Qırğızstanda çöyne çöy belän bärep çığarırğa buldılar kebek - çärşämbe irtän Bişkäktäge Yuğarı mäxkämä binası qarşına 300-läp keşe cıyıldı. Bina eçendä isä xäzerge xakimiatkä, anıñ qayber yaña saylanğan deputatlarnı mandatlarınnan mäxrüm itüenä qarşı çıqqan 50-läp keşe inde april azağınnan birle qarşılıq çarası ütkärä ide. Yaz könne parlament binasın yawlap alğan tösle çärşämbedä dä tıştağı xalıq kötmägändä binağa urğıldı.
Audio
Eçtägelär höcümgä qarşı ut bombaları, taşlar äzerläp quysa da, bu uramdağı xalıqnı tuqtatmadı - alar binağa bärep kerep, andağı protestçılarnıñ kiemnären, yurğannarın, başqa mölkäten täräzälärdän uramğa ırğıta başladı. Bina eçendägelärneñ berse, anda inde berniçä atna ütkärgän Qalıxan Umaralieva süzlärenä qarağanda Yuğarı mäxkämä tiräsenä yat keşelär äle sişämbe kiçen ük cıyıla başlağan. Häm eçtägelär alarğa, üzläreneñ ni öçen qarşılıq çarasın ütkärüen añlatırğa tırışıp qarağan.
Audio, Qalıxan Umaralieva
"Bu adämnär äle kiçä ük kürenä başlağan ide, alar sanı ul çaqta azraq ide, älbättä. Alar nider taläp itä başladı, ä bez "nişläp yörisez monda, nigä kildegez?" dip soradıq, cawap bulmadı. Bez alarğa eşneñ nidän başlanuın, üzebezneñ bina eçendä nigä utırunı añlattıq, barı tik ğadellekne teläwebezne, ber uç baynıñ tügel, ä ğadi xalıq mänfäğätlären qayğırtqan ğadellekne teläwebezne belderdek" digän ide Qalıxan Umaralieva. Ul häm başqa protestçılar Qırğızstannıñ Yuğarı mäxkämä binası eçendä, fivral''dä häm martta uzğan parlament saylawları näticälären bozuğa qarşı çara ütkärgän ide. Alar yaqlağan nämzätlär yä ottırğan dip iğlan itelde, yä tawış birügä çığarılmadı, ä alarnıñ şikayät-zarları soñraq kire qağıldı. Bu äle ildä prezident Äskär Aqayev xakimiat itkän çorda bulğan ide, tawış birüne qarap barğan xalıqara küzätüçelär anıñ küpsanlı xärämläşülär belän uzuın tanıdı. Şunnan soñ näq menä saylaw näticäläre säbäple tuğan xalıq kütäreleşe ildä xakimiatne üzgärtte, Aqayev ildän qaçtı, ämma anıñ urınına kilgän citäkçelek tä yaña parlament wäkalätlären tanırğa buldı. Üzlären äle Aqayev tarafınnan uq cäberlängän dip sanawçı protestçılar, çärşämbedä alarnı Yuğarı mäxkämädän quıp çığaru artında da ilneñ yaña citäkçeläre, ayırım alğanda, waqıtlı prezident häm premyer-ministr Baqiev tora dip uylıy. Yuğarı mäxkämä räise Qormanbäk Osmanovnıñ xökümät tarafınnan yaqlanuına işarä itep Qalıxan Umaralieva bolay di:
Audio, Qalıxan Umaralieva
"Yuğarı mäxkämä räiseneñ üze genä bulmawı, anı Aq yortta utırğan xökümät dairäsendä dä qayber köçlärneñ yaqlawı bik açıq kürenä, bügenge höcümne alar oyıştıruı şik uyatmıy" di Umaralieva, çärşämbedä Bişkäktä Yuğarı mäxkämä binasın yawlap alu häm annan xakimiatkä qarşı protest belderüçelärne quwıp çığaru turında. Prezident saylawları Qırğızstanda tağın ber aydan soñ, 10-nçı yüldä uzaçaq.
Kärim Kamal
Audio
Eçtägelär höcümgä qarşı ut bombaları, taşlar äzerläp quysa da, bu uramdağı xalıqnı tuqtatmadı - alar binağa bärep kerep, andağı protestçılarnıñ kiemnären, yurğannarın, başqa mölkäten täräzälärdän uramğa ırğıta başladı. Bina eçendägelärneñ berse, anda inde berniçä atna ütkärgän Qalıxan Umaralieva süzlärenä qarağanda Yuğarı mäxkämä tiräsenä yat keşelär äle sişämbe kiçen ük cıyıla başlağan. Häm eçtägelär alarğa, üzläreneñ ni öçen qarşılıq çarasın ütkärüen añlatırğa tırışıp qarağan.
Audio, Qalıxan Umaralieva
"Bu adämnär äle kiçä ük kürenä başlağan ide, alar sanı ul çaqta azraq ide, älbättä. Alar nider taläp itä başladı, ä bez "nişläp yörisez monda, nigä kildegez?" dip soradıq, cawap bulmadı. Bez alarğa eşneñ nidän başlanuın, üzebezneñ bina eçendä nigä utırunı añlattıq, barı tik ğadellekne teläwebezne, ber uç baynıñ tügel, ä ğadi xalıq mänfäğätlären qayğırtqan ğadellekne teläwebezne belderdek" digän ide Qalıxan Umaralieva. Ul häm başqa protestçılar Qırğızstannıñ Yuğarı mäxkämä binası eçendä, fivral''dä häm martta uzğan parlament saylawları näticälären bozuğa qarşı çara ütkärgän ide. Alar yaqlağan nämzätlär yä ottırğan dip iğlan itelde, yä tawış birügä çığarılmadı, ä alarnıñ şikayät-zarları soñraq kire qağıldı. Bu äle ildä prezident Äskär Aqayev xakimiat itkän çorda bulğan ide, tawış birüne qarap barğan xalıqara küzätüçelär anıñ küpsanlı xärämläşülär belän uzuın tanıdı. Şunnan soñ näq menä saylaw näticäläre säbäple tuğan xalıq kütäreleşe ildä xakimiatne üzgärtte, Aqayev ildän qaçtı, ämma anıñ urınına kilgän citäkçelek tä yaña parlament wäkalätlären tanırğa buldı. Üzlären äle Aqayev tarafınnan uq cäberlängän dip sanawçı protestçılar, çärşämbedä alarnı Yuğarı mäxkämädän quıp çığaru artında da ilneñ yaña citäkçeläre, ayırım alğanda, waqıtlı prezident häm premyer-ministr Baqiev tora dip uylıy. Yuğarı mäxkämä räise Qormanbäk Osmanovnıñ xökümät tarafınnan yaqlanuına işarä itep Qalıxan Umaralieva bolay di:
Audio, Qalıxan Umaralieva
"Yuğarı mäxkämä räiseneñ üze genä bulmawı, anı Aq yortta utırğan xökümät dairäsendä dä qayber köçlärneñ yaqlawı bik açıq kürenä, bügenge höcümne alar oyıştıruı şik uyatmıy" di Umaralieva, çärşämbedä Bişkäktä Yuğarı mäxkämä binasın yawlap alu häm annan xakimiatkä qarşı protest belderüçelärne quwıp çığaru turında. Prezident saylawları Qırğızstanda tağın ber aydan soñ, 10-nçı yüldä uzaçaq.
Kärim Kamal