Accessibility links

пәнҗешәмбе, 8 декабрь 2016, Казан вакыты 11:11

TÜRKSOY Saban tuyın UNESCO isemlegenä kertergä yärdäm itärme?


TURKSOY oyışmasınıñ 22nçe utırışı tämamlandı. 12 mädäniät ministrı törlese törle yaqqa tarala başladı. Ä aña qädär, alar urtaq törki miras problemaları turında söyläşte, TURKSOY qısalarında bara torğan proyektlarnıñ tormışqa aşırıluın tikşerde. Mäsälän bu yulı räsem häm fotografiä kürgäzmäläre açıldı, Näwrüz festivale başlanıp kitte. Kürgäzmälärdä dä, teatr festivalendä dä, häm TURKSOY oyışmalarınıñ utırışlarında icat keşeläre genä qatnaşa, dip basım yasap äytte, oyışmanıñ general direktorı Polad Böl Böl ulı. Törki xalıqlarnıñ mädäniätlären üsterüne alğa quyuçı şuşı oyışma wäkillären, Tatarstan Prezidentı Mintimer Şäymiev qabul itte. Bu oçraşu turında söylägändä, Azerbaycannıñ mädäniät ministrı Polad Böl Böl ulı, Prezident belän yäşlär turında soyläştek, TURKSOY oyışması xäzer yäşlärne üz mädäniätlärenä cälep itü maqsatın quya dide. Ul oçraşuda şulay uq, Çuaşstanğa da TURKSOY oyışmasına kerergä täqdim itelde, digän xäbär taraldı. Ämma, forumnıñ yabılu tantanasında, yaña äğzälär qabul itü turında süz barmadı. Anda TURKSOY oyışmasınıñ waqıtlıça koordinatorı İldus Tarxanov üzeneñ wazifaların häm TURKSOY bayrağın, bilgesen Törkiä ministrı Atilla Koçqä tapşırdı. Kiläse utırış İstanbulda ütäçäk, dielde. İldus Tarxanov elekke mädäniät ministrı bulğanğa kürä, anı TURKSOYda Tatarstan isemennän, Zilä Wälieva alıştıraçaq. İldus Tarxanovka, şuşı utırışta, Qol Ğali isemendäge maxsus büläk tapşırıldı, kükräk bilgese tağıldı. Polad Böl Böl ulı şulay uq, UNESCOnıñ «Tınıçlıq rozası» digän medale belän büläklände. TURKSOY oyışmasınıñ köndälek utırışları, kübesençä yabıq işeklär artında bardı. Alarnıñ eş näticäläre jurnalistlarğa soñ ğına xäbär itelde. Şulay itep, vitse-premyer häm mädäniät ministrı Zilä Wälieva xäbär itkänçä, eş näticäläreneñ berse itep, mädäni mirasnı saqlaw üzägen tözü buldı, dip äytep bula. Ul üzäk, UNESCO belän xezmättäşlek itärgä tieş. Mäsälän, Törki xalıqlarnıñ urtaq mädäni miras isemlegen tözep biräçäk. Älege isemlekkä «Saban tuyın» kertü turında kileşelgän, dip xäbär itte Zilä Wälieva.

XS
SM
MD
LG