Rusiä finans ministrı Aleksey Kudrin äytüençä, mäğlüm eşmäkär Mixail Xorokovskinı törmä cäzasına xökem itü aldağı berqädär waqıtqa ilneñ iqtisadına tä'sir itäçäk.
Kurdin Xodorkovski eşeneñ Rusiä iqtisadına ışanıçnı kimetüen tanıdı. Bu ışanıçnı torğızu öçen berqädär waqıt kiräk bulaçaq dide Kudrin.
Kiçä mäxkamä Yukos neft' şirkäteneñ elekke citäkçese Xodorkovskinı xärämläşüdä häm salımnan qaçuda ğäyepläp añı 9 yıl törmä cäzası bilgeläde. Yukos zur salımnar tüläw öçen töp milken satarğa mäcbür buldı. Kudrin Yukos qıyssası böten il öçen zur sabaq buldı dide häm monıñ yañadan qabatlanmawın teläwe turında äytte.
Bu xökem eşen tänqitläwçelär Xodorkovski mäxkamäsen Kreml' oyıştırğan, häm bu anıñ oppozitsion partiälärne finanslawın cäzalaw, anıñ säyäsi ambitsiälären bastıru öçen eşlände di.
