Accessibility links

шимбә, 10 декабрь 2016, Казан вакыты 19:39

Condoleezza Rice: Quşma Ştatlar Ğıraqta missiäsen däwam itteräçäk


Däwlät sekretarı C.Rice AQŞqa kilgän ğıraqlı kollegasına Washington Ğıraqta iminlek mäsäläsendä üz östenä alğan yöklämäsen ütärgä däwam itäçäk dip ışandırdı. Tışqı eşlär ministrı Hoshyar al- Zebari üz çiratında konstitutsiäne äzerläw eşenä ilneñ barlıq etnik häm dini wäkilläre qatnaştırılaçaq dip belderde. Saylawlar näticäsendä xakimiätkä kilgän waqıtlı xökümät ildä qan tügelüen tuqtatır digän ömedlär älegä aqlanmadı ütkän ayda bik küp sivilneñ häläk buluına kitergän şartlawlar buldı

Tışqı eşlär ministrı al Zäbarinıñ AQŞqa säfäre Ğıraqta yözlärçä sivil keşe häm politsiäneñ üterelüe , ğıysyannıñ artıp kitkän may ayınnan soñ buldı.Sivil xalıq häm iminlek köçläre hädäf itep alınğan höcümnärneñ zur küpçelege öçen sönni ğıysyançılar ğäyeplänä. Al Zäbarigä Amerika vizitı waqıtında xalıqara yaqlawnı däwam itterü turında wäğdälär birelde. 31nçe mayda İminlek Şurası Ğıraqta AQŞ citäkçelegendäge xalıqara köçlärneñ mandatın säyäsi protesess tämamlanğançığa qädär ozayttı.1-nçe iyündä al Zäbari jurnalistlarğa Däwlät sekretarı C.Rice protsess tämamlanğançığa qädär Washington yardämen däwam itteräçäk digän wäğdä birde dide.

al Zäbari(audio)

AQŞları, koalitsiä köçläreneñ yöklämä turında birgän wäğdäläreneñ nıqlı buluı bik möhim .Ber keşe dä yalğış añlamasqa tieş. Bügen Dr.Rice AQŞ Ğıraqta kiräk bulğan qädär torıp missiäsen tämamlıyaçaq dip äytte.

Ğıraqta 140meñ çaması amerikan xärbie häm 27ildän 22meñ ğäskär tora. AQŞ räsmiläre Ğıraq iminlek köçlären künegüdän ütkärüdä progress yasıybız dip belderä.AQŞ saqlanu ministrı D.Rumsfeld çärşämbedä birgän ber ängämädä törle illär 165meñ çaması ğäskär häm politsiäne künegüdän ütkärde ämma alar älegä iminlek mäsäläsendä tulı cawaplılıqnı üz öslärenä alalmıy dip äytte

Rumsfeld(audio)

yaxşı progress yasaldı. AQŞları, koalitsion köçlär eşlären yaxşılap tämamlağançığa qädär anda toraçaqlarına işarä itte.

Ğıraqnıñ iminlege öçen tırışaçaqların raslağan AQŞ räsmiläre yaña konstitutsiäne äzerlägändä sönni möselmannar qatnaştırılırğa tieş dip Ğıraq citäkçelärenä basım yasıy . Bilgele bulğança sönnilär ğıynuarda ütkärelgän saylawlarğa bik az qatnaştı.Älegä säyäsi protsessta şığılar häm kördlär östenlek itä. Çığışı belän körd al Zäbari çärşämbedä Riceqa konstitutsiäne yazu eşenä Ğıraqnıñ barlıq etnik dini törkem wäkilläre qatnaştırılaçaq digän garantie birde. Rice jurnalistlarğa protsessnıñ kiñ külämle bulaçağına ışanam dide

Rice(audio)

Ğıraqlılar allarında quyılğan här säyäsi mäqsatnı ütäde -suverenlek tapşırıluı, 30-nçe ğıynuar saylawları häm älbättä waqıtlı konstitutsä .Alar xäzer konstitutsiäne yazu eşe belän şögellänä häm ul kiñ külämle protsess bulaçaq

Ğıraq tışqı eşlär ministrı al Zäbari kiçä Süriä birgän wäğdäsen tulısınça ütämi , terrorçılarnıñ Ğıraq teritoriäsenä kerüen tuqtatmıy dip şiqäyät itte. Ğıraq 22 nçe iyündä Belgidä ütäçäk konferensiägä zur ömedlär bağlıy. Şuşı cıyınğa 80läp il şulsanda xalıqara oyışmalar qatnaşır dip kötelä. Konferensiä Ğıraqta mäxkämä sisteması törle oyışmalar tözü häm iqtisadi täräqiät öçen yardäm alu mäqsatın quya färidä xömit
XS
SM
MD
LG