Accessibility links

якшәмбе, 11 декабрь 2016, Казан вакыты 07:18

Äfğän politsiäse Kandaharda 20 keşene ütergän şartlawnıñ oyıştıruçıların ezli


Şähär tiräsendäge yullarda maşinalarnı tikşerälär. Şartlaw kiçä Kandahar mäçetendä Taliban yaqlı ğisyançılarğa qarşı çıqqan din äheleneñ cenazası waqıtında buldı. İntixarçı şartlatqan bombadan ülüçelär arasında Qabul politsiäse başlığı häm anıñ 6 tän saqçısı da bar. 40-tan artıq keşe yaralandı. Bügen Qabulda Äfğän eçke eşlär ministrlığı süzçese Lötfulla Maşal xäbärçelärgä bolay dip belderde.

AUDİO: Soñğı arada terror höcümnäre arta bara. Häm bu Äfğänstan doşmannarınıñ, ildäge tınıçlıq häm totrıqlılıq doşmannarınıñ suğışnıñ alğı sızığında ciñelüen kürsätä. Häm xäzer alar ciñelräk hädäflärgä, Xäyriä oyışmalarına, yardäm xezmätkärlärenä häm ğölämälärgä höcüm itä.

Kandahar gubernatorı Gul Ağa Şerzai äytüençä, şartlatuçı äl-Qaidä terror çeltäre belän bäyle bulğan dip şiklänelä. Äfğän eçke eşlär ministrı Ğaliäxmät Cäläli şartlatuçı Äfğänstan keşese bulmağan dide.

XS
SM
MD
LG