Accessibility links

дүшәмбе, 5 декабрь 2016, Казан вакыты 07:42

Üzbäkstan çit illärgä Ändican turında xökümät tikşerüen küzätep barunı röxsät itäçäk


Üzbäkstan tışqı eşlär ministrı Elyor Ganiev Üzbäkstan çit illärgä uzğan ayda Ändicanda bulğan qanlı waqıyğalar uñayınnan ütkärelüçe xökümät tikşerüen küzätep barunı röxsät itäçäk dide. Bügen Üzbäkstan başqalasında Ganiev Taşkenttağı ilçeleklärneñ wäkilläre bäreleşlär turındağı xökümät tikşerüen küzätep barırğa kerteläçäk dip äytte. Ämma Üzbäk xökümäte bäysez xalıqara tikşerü ütkärüne röxsät itmi. Üzbäk tışqı eşlär ministrlığınıñ bügenge belderüendä NATO Parlament cıyınınıñ mondıy tikşerü ütkärü taläbe nigezsez dielä. Xökümät üze ütkärgän tikşerüdäge berençel mäğlümätlär 13-nçe mayda Ändicanda bulğan xällärneñ planlaştırılğan terror agressiäse näticäse buluın kürsätte dip belderä. Ministrlıq bu çualışlarnı çittän idarä itelüçe radikal, extremist häm dini köçlär Üzbäk xakimiäten bärep töşerü maqsatı belän oyıştırğan di.

XS
SM
MD
LG