Accessibility links

шимбә, 10 декабрь 2016, Казан вакыты 04:14

Yewropa citäkçeläre Yewropa Berlege konstitutsiäseneñ kiläçäge turında söyläşä


Germaniä kanslerı Gerhard Schroeder Yewropa Berlegeneñ xäzerge prezidentı Jean-Claude Juncker belän Yewropa Berlegeneñ yaña kosntitutsiäse yazmışı turında söyläşä. Bu atnada Fransiä belän Niderlandta ütkän referendumnarda Yewropa konstitutsiäse kire qağıldı. Şimbä könne Schreoder Berlinda Fransiä prezidentı Jacques Chirac belän oçraşıp Berlekneñ kiläçäge turında söyläşäçä. Juncker 16-nçı 17-nçe yünnärdä Brüssel'dä berlek citäkçelären cıyıp kosntitutsiä krizisiı turında söyläşü ütkäräçäk. Schroeder ratifikatsiä protsessı däwam itärgä tieş, häm bu protsess bar yewropa öçen ğömümi krizisqa äwerelergä tieş tügel dide. Xäzergä qädär konstitutsiäne Berlektäge 10 il ratifikatsiäläde. Bügen şularnıñ unınçısı – Latvia anı parlamentta rasladı. Latviä tışqı eşlär ministrı Artis Pabriks Latviädäge tawış birü ike referendumda kire qağıludan kilüçe zıyannı tuqtatırğa mömkin dide.

AUDİO: Min Latviäneñ Yewropa Berlegendäge çigenüne tuqtatu öçen häm Berlekneñ nığuın, alğa baruın teläwçe illärneñ häm xalıqlarnıñ citärlek buluın kürsätü öçen üzençälekle mömkinlege bar dip dip isäplim.

XS
SM
MD
LG