Accessibility links

җомга, 9 декабрь 2016, Казан вакыты 20:34

Tatar gimnaziäse balaları berdäm däwlät imtixanın urısça biräme?


Urıs tele buyınça berdäm däwlät imtixanın comğa könne birmäwçelär, anı yuğarı uqu yortına kergändä tapşırırğa tieş bulalar. Rusiädä urıs tele räsmi aralaşu tele dip bilgelände, häm ul barlıq yuğarı uqu yortlarınıñ kerü imtixannarına mäcbüri fän bularaq quyıldı. Qazan däwlät universitetınıñ tatar filologiäse fakul'tetına kergändä dä, urıs tele tapşırırğa kiräk.

Urıs tele buyınça comğa könne uzğan berdäm däwlät imtixannarın tapşıruçılarnıñ niçäse tatar mäktäpläre häm gimnaziälärennän ikäne, älegä mäğlüm tügel. Läkin şunısı qızıq, qayber tatar gimnaziäläre uquçıları, tögäl fännärne dä urısça birä ikän. Şundıy xäl inde Qazannıñ 1нче gimnaziäsendä küzätelgän. Bu xaqta 1нче gimnaziä direktorı Gölfiä Şämsieva

Bezdä äzerlek urıs telendä bardı. Şuña urısça tapşırdılar imtixannarnı. Kiläçäktä tatarça äzerlänäçäkbez

1нче gimnaziädän urıs tele buyınça 3 uquçı Berdäm däwlät imtixannarında qatnaşqan. Ximiä buyınça da qatnaşuçılar bulğan. Matematikadan da 3 keşe qatnaşırğa teläk beldergän. Tatar gimnaziäse balalarınıñ da BDEnı urıs telendä birergä teläwe, berençe çiratta, tatarça birgännärneñ Mäskäw yuğarı uqu yortlarına kerä almawı belän bäyleder. Tatarça birgännär barı Tatarstandağı Rusiä yuğarı uqu yortlarına ğına kerä ala. Ä başqa cirdä bu sertifikatlarnı qabul itmilär.

BDEnıñ sorawları başta urıs telendä genä bulsa, soñınnan küpsanlı möräcäğätlärne, ayıruça awıl mäktäpläre uqıtuçı-uquçıları fikerlären isäpkä alınıp sorawlar tatar telenä dä tärcemä itelde. Bu xaqta “Azatlıq” radiosına Tatarstan Mäğärif häm fän ministrı wäkile İlnur Mirgaliev

Bez mäktäp uquçılarına caylı bulsın öçen kontrol'-isäpläw materialların tatarça yasadıq. İnde imtixan birdelär. Yuğarı näticälär buldı.

Berdäm däwlät imtixannarı älegä yazma räweştä bara. Anda ber variantqa 3 soraw kerä. İke soraw mäktäp programmasınnan, ä öçençesenä cawap birü öçen belem tağın da yuğarıraq bulırğa tieş. Läkin yuğarı ball cıyu öçen, sorawnıñ ikesenä dä cawap birü citä dip sanıy, Mäğärif ministrlığı wäkilläre. Mäktäp direktorları isä Berdäm däwlät imtixanına köçle äzerlek kiräk, di. Bu xaqta Qazannıñ 14нче tatar gimnaziäse direktorı Miläwşä Waxitova

Yartı yıl ğına waqıt buldı. Sorawlar awır. Şuña soñğı yılnı ğına äzerlänü citmi.

Şulay uq Miläwşä Waxitova küptän tügel Qazan texnik universitetınıñ gimnaziälärendä fizika buyınça testirovanie uzdıruın äytte. Häm balalar küp urısça terminnarnı añlamağannar. “Kimsenmäsennär öçen bez xäzer terminnarnı urıs telendä öyrätäbez”, - dide Miläwşä Waxitova.

Berdäm däwlät imtixannarı kiläçäktä komp'yuter yärdämendä oyıştırılaçaq. Ä imtixannarnıñ uquçılar öçen uñay häm tiskäre yaqları inde közgä bilgele bulaçaq.

Landış Xarrasova

XS
SM
MD
LG