Accessibility links

шимбә, 10 декабрь 2016, Казан вакыты 13:45

Masxadovnıñ tuğannarı irekkä çığarılğan, läkin waqiğä äle açıqlanmadı


2004-nçe yılnıñ dikäberendä urlanğan soñğaraq üterelgän Çeçen köräşçeläreneñ citäkçese Masxadovnıñ 8 tuğanınıñ 7-se irekkä çığarılğan. Alarnıñ kem tarafınan häm ni öçen urlanğan buluları äle dä bilgesez. Keşe xoquqları aktivistları bu Masxadovqa basım yasar öçen Russiä xärbiläreneñ yaki alarnıñ berektäşe çeçen militsiäseneñ eşe dip belderälär. Russiä xakimiätläre monı kire qağalar.

Keşe xoquqları oyışması Memorialnıñ xäbär itüenä qarağanda , Masxadovnıñ 7 tuğanı 31-nçe mayda irekkä çığarılıp, Groznıy yaqınındağı Pervomay auılındağı öylärenä qayrtarılğannar. Oyşmanıñ Nazrandağı süzçese Usam Baysayev radiobız xäbärçesenä bolay dide

Audio

"Kiçä xezmätäkärlärebez Masxadovnıñ urlanğan tuğannarınıñ tuğannarı belän oçraştılar häm alar 7-se öylärenä qayttılar dip belderdelär. Aslan Masxadovnıñ ber tuğanı ber auır xasta. Bu alarnıñ irekkä çığarıluına säbäp buldı dip uylanıla. Ul räxenlektä ülgän bulsa ide bu zur şau-şuğa säbäp bulır ide."

İnterfax Çeçen respubikası prokurorırını urınbasarı Aleksander Nikitinneñ 7 keşe irekkä çığarıldı dip raslağan buluın belderde. Tik illegal xärbi törkemnär belän bäyläneştä toruda ğäyeplängän berse genä äle dä quda totıla ikän. Läkin Masxadov tuğannarınıñ kemnär tarafınnan häm ni öçen urlanğan buluları äle dä açıq bilgele tügel. Keşe xoquqları aktivistları alarnı urlau Masxadovqa basım yasarğa telägän Rusiä xärbiläreneñ yäisä Çeçen militsiäseneñ eşe dip belderep kildelär. Russiä xakimiätläre monı kire qağalar. Bu soraularğa xäzer irekkä çığarılğan Masxadov tuğannarı ğına cavap birä alalar. Läkin, Memorial väkile Baysayevneñ belderüenä qarağanda, alar jurnalistlar belän dä, keşe xoquqlar aktivistları belän söyläşergä bik ük telämilär. Bäysez keşe xoquqları aktivistları Mäskäv yaqlı Çeçnä citäkçeläre Masxadovnı birelergä mäcbür itü öçen tuğannarın urladılar dip belderälär. İnde Masxadovnıñ üleme xäzer alarnı irekkä çığaruğa yul açqan. Vernada urnaşqan Keşe xoquqları buyınça Xalıqara Helsinki Federatsiäse başqarma mödire Aaaron Rhodesneñ belderüenä qarağanda, Kremlgä qarşı çeçennärneñ tuğanarın totıq itep alu Rusiäneñ dävlät säyäsätenä äylände.

Audio

"Beslan faciğäsennän soñ Russiäneñ baş prokurorı Ustinov kontr-totıq alu programmasın propogandaladı. Bu inde terrorçılarnıñ tuğannarın urlaunı alata. Bu asılda terroristlarnıñ taktikası häm xäzer baş prokuror monı yaqlıy. Keşe xoquqları oyışmaları, şul sanda Memorial bu xaqta añlatma sorap prezident Putingä möräcäğät ittelär. Ustinov yañadan üz postına täğäyenlände."

Şulay Masxadov tuğanarı irekkä çığarılsa da, vaqiğä äle tulısınça açıqlanmadı.

Färit İdelle , Praga.
XS
SM
MD
LG