Accessibility links

пәнҗешәмбе, 8 декабрь 2016, Казан вакыты 17:26

BDB premyer ministrları äğza illär arasındağı säwdä kirtälären aqrınlap beteräçäk protokol imzaladı


Bäysez Däwlätlär Berdämlege BDBğa kergän illärneñ premyer ministrları bügen biredä äğza illär arasındağı säwdä kirtälären aqrınlap beteräçäk protokolğa qul quydı. Rusiä premyer ministrı Mixail Fradkov bu protokolnı xupladı.

AUDİO: Bez BDB illäre arasındağı problemalarnı häm ğämäli tormışta bulğan kirtälärne beterergä telibez. Qızğanıç ki, alar äle şaqtıy küp. Bezneñ BDBdağı härber diärlek il belän ikeyaqlı mönäsäbätlärdä andıy qarşılıqlar bar. Bez alar belän şöğellänäbez häm şuña kürä bügen bez bu protokolnı imzaladıq. Ukraina premyer ministrı Yulia Timoşenko BDBdağı barlıq säwdä kirtäläreneñ beterelüen teläwe turında äytep bu dokumentnı imzalamğan dip xäbär itelä. Fradkov şulay uq Gruziä, Ukraina häm Qırğızstan citäkçelegendä küptän tügel bulğan üzgäreşlär BDBdağı tärräqiätkä tä'sir itmäde dide. Fradkov aldağı ber yılğa Berdämlek şurası räise itep saylandı. Moldova premyer ministrı Vasily Tarlev belän Taciqstan premyer ministrı Akil Akilov räistäşlär bulaçaqlar. Gruziä premyer ministrı Zurab Nogaideli İtar-Tass agentlığına BDB wäğdä itelgänçä eşlämi dide. Nogaideli DBD üz äğzalarınıñ territorial' berbötenlegen tä'min itä almadı häm äğza illär arasında vizasın xäräkät buldırmadı dide.

XS
SM
MD
LG