Accessibility links

пәнҗешәмбе, 8 декабрь 2016, Казан вакыты 15:04

London Yevropa Berlege konstitusiäsen raslarğa aşıqmasqa çaqıra


Fransiä häm Germaniä citäkçeläreneñ Yevropa Berlege konstitusiäse eşen däwam itergä äzer buluı turındağı belderülärenä qaramastan, London, tağın uylanırğa östämä waqıt soradı. Blairnıñ xökümäte, uzğan yıl planlaştırılğan kebek, älege mäs'äläne referendumğa quyu-quymaw mäsäläsendä äle qarar itmäde. Premyer-ministrnıñ matbuğat wäkile, yünneñ 16-17sendä Brüsseldä ütäçäk Yevropa Berlege summitına qadär kötergä kiräk, dide. Yevropa Berlegeneñ yuğarı däräcädäge cıyınında qatnaşuçılar, Fransiä häm Hollandiäneñ konstitusiäne kire qağularınnan soñ alğa taba eş planı turında söyläşäçäk. Şimbä könne Berlinda oçraşqan Fransiä prezidentı Jacques Chirac häm Germaniä kanslerı Gerhard Şröder Yevropa Berlege konstitusiäsen raslaw eşe däwam itergä tieş, dip kileşte.

XS
SM
MD
LG