Accessibility links

Кайнар хәбәр

“Saylawlarda qatnaşmawçılarnı 3 000 sum ştraf kötä”


Ufalılar uzğan yal könnärendä poçta tartmalarında şundıy eçtälekle listovkalar taptı. Alar Ufa şähäreneñ saylaw komissiäse isemennän yazılğan. Qağäzlär 26nçı iyün cirle üzidärälärgä saylawlarda qatnaşmağan xalıqnı ştraf belän qurqıta. 6nçı iyün Ufa şähäreneñ saylaw komissiäse räise Gölşat Arslanowa matbuğat oçraşuı ütkärep, listovqalarnıñ yalğan buluın belderde. Uram cıyını ütkärüçelärne dä ştraf belän qurqıtalar. Süz Ufada 26nçı mart uzğan qarşılıq aksiäse xaqında bara. Anda 20 meñgä yaqın keşe qatnaşqan ide. Ufa elektr transportı munitsipäl predpriätiese qarşılıq aqsiäse tramway xäräkäten özde dip, mäxkämägä möräcägät itte. Alar kürelgän zıyan külämen 141 000 sum dip tapqan. Haläkätlär keşe ğömerlären özüdän tuqtamıy. Stärletamaq şähärendäge “Qawçuq” zawodında şartlaw bulğan ide. Zıyan kürüçe ike keşe xastaxanädä can birgän. Krasnokama rayonında da faciğa buldı. Ämzä urman xucalığı kombinatındağı ximiä sexında şartlaw bulıp ike keşe ülgän. Tağın berniçä keşe awır xäldä xastaxanägä ozatılğan.
XS
SM
MD
LG