Accessibility links

якшәмбе, 11 декабрь 2016, Казан вакыты 05:20

Britaniä referendumnı kiçekterergä qarar itte


London -- Britaniä Yevropa Berlege konstitutsiäse mäsäläsendä referendum ütkärüne kiçekterergä qarar itte. Bu turıda bügen premier-ministr Tony Blairnıñ matbuğat wäkile iğlan itte. Fransiä häm Niderlandta ütkän referendumda saylawçılar Yevropa Berlege konstitutsiäsen kire qaqtı. Räsmi London fikerençä, xäzer bu tiskäre näticäne Yevropa Şurasınıñ kiläse ayda ütäçäk sammitında tikşerergä kiräk. Britaniädä referendum kiläse yılnıñ yazına bilgelängän ide. Konstitutsiä ğämälgä kersen öçen anı Berlektäge 25 äğza-ilneñ barısı da raslarğa tieş. Älegä monı 10 il eşläde. Konstitutsiä tarafdarları bu dokument Berlektä qarar qabul itüne ciñeläytäçäk dip belderä. Tänqitçelär isä, ul Brüsseldäge Yevropa Komissiäsenä artıq küp wäqälät biräçäk dip sanıy.

XS
SM
MD
LG