Accessibility links

дүшәмбе, 5 декабрь 2016, Казан вакыты 17:44

Äfğanstanda saylaw komissiäse äğzası üterelgän


Kabul -- Äfğanstanda saylaw komissiäse äğzası üterelüenä Berläşkän Millätlär oyışması tänqit belderde. Ul comğa könne Tarin Kot qalasında atıp üterelgän. Bu tawlı töbäklär Talibannıñ nığıtması sanala. Saylaw komissiäse wäkile Soltan Äxmät Bahin, Azatlıqqa birgän äñgämäsendä, bu üterügä qaramastan komissiä äğzaları eşen däwam itäçäk dide:

"Bezneñ ber xezmätkärebez, ul mäğärif ölkäsendä dä eşli ide, Uruzğan wilayätendä üterelde. Bezneñ öçen qotıçqıç xäbär, bez moña tänqit belderäbez. Şulay da bezneñ xezmätkärlär, bar il buylap eşlären däwam itergä cıyına."

Berläşkän Millätlär süzçese Ariane Quentier bu üterüne – Sintäbergä bilgelängän parlament saylawların özü tırışlığı dip atadı. BMO Äfğanstanğa bu saylawlarnı ütkärüdä yärdäm itä. Uzğan yılnıñ üktäberendä - prezident saylawların ütkärüdä yärdäm itkän ide. Ul çaqta da berniçä saylaw komissise xezmätkäre üterelgän ide.

XS
SM
MD
LG