Accessibility links

Кайнар хәбәр

Yağulıq ölkäse tiräsendä tartqalaş däwam itä


Başqortstan mäxkämäläre yağulıq-energetikä kompleksı aksiälären däwlätkä qaytaru mäsäläsen qarıy. Respublika Prezidentı Mortaza Räximovnıñ ulı Ural Räximov citäklägän “Başqort kapitalı” kompaniäse Milek ministrlığına qarşılıqnı tınıç yul belän xäl itärgä digän täqdim belän çıqqan ide. Respublika prokurorı Aleksandr Konowalov moña qarşı buluın belderde. Anıñ uyınça, bu şäxsi mänfägätlär tügel, ä däwlät milke mänfägätläre mäsäläse. Respublikanıñ arbitraj mäxkämäse 9nçı iyün älege mäsäläne qarayaçaq. Anda qarşılıqlarğa noqta quyılır dip kötelä. “Militsiä xezmätkärläre, xätta prokurorlar da qanun boza”. Bu süzlär prokuratura kollegiäse häm Eçke eşlär ministrlıqlarınıñ berlektä ütkärelgän kiñäytelgän utırışında yañğıradı. Anda respublika prokuraturasınıñ may ayında ütkärgän rayon eçke eşlär büleklären tikşerü näticäläre bäyän itelde. Aña qarağanda, 43 militsiä xezmätkäre wäkälätlären bozuda ğäyeplängän häm cinayät eşe açılğan. Alar arasında Ufa şähäreneñ Dim rayonı eçke eşlär bülege başlığı Barıy Äminev ta bar. Şulay uq ike prokuror cinayätlärne yomıp qaluda ğäiplänä. Alarnıñ bersenä wazıyfasına tulısınça turı kilmäw iğlan itelgän, ikençeseneñ yazmışın attestatsiä komissiäse xäl itäçäk.
XS
SM
MD
LG