Accessibility links

шимбә, 3 декабрь 2016, Казан вакыты 16:49

Ence Minhaceva: “Sotsial xezmätkärlär öylärgä dä yöri, köndälek büleklärdä dä qabul itä”


Räsmi räweştä, sotsial' xezmätkärlär köne 2000 yıldan bilgeläp uzıla.

Respublikada bügenge köndä 550 sotsial' uçrejdenie moxtaclarğa köndälek, xoquqi, iqtisadıy, psixologik yärdäm kürsätep kilä. Respublika rayonnarında da, şähärlärdä dä soñğı yıllarda sotsial' üzäklär, priyutlar artı. Ayıruça Kuqmara, Baltaç rayonnarında sotsial' xezmät kürsätü eşe yuğarı däräcädä oyıştırılğan. Bu xaqta Tatarstan Sotsial' yaqlaw ministrı yärdämçese Ence Minhaceva belderde

Barlığı 13 meñ sotsial' xezmätkär eşli. Bez 1 million 400 meñ tatarstanlılarğa xezmät kürsätäbez. Bezneñ xezmätkärlär öylärgä dä bara, köndälek büleklärdä dä qabul itä. Tübän xezmät xaqına bulsa da bezneñ xezmätkärlär zur eşlär başqara.

Xäzerge köndä respublika rayonnarında xätta däwlättän tış sotsial' üzäklär dä buldırıla başladı. 2010 yılğa qädär maxsus sotsial'-iqtisadıy programma eşlängän. Älege programma nigezendä däwlättän tış sotsial' xezmät kürsätü üzäklären oyıştıru qaralğan. Monda iğänäçelär zur yärdäm kürsäter dip kötelä, şulay uq priyutlarda yäşäwçe qartlarnıñ pensiä aqçasınıñ da berniçä protsentı priyutlarğa qalaçaq. Mondıy misal inde Balıq Bistäsendä bar. Bu xaqta Balıq Bistäse rayonınıñ sotsial' yaqlaw bülege äydäp baruçı belgeçe Rezidä Cälälova

Bezneñ däwlättän tış uçrejdenie bar. Anda sponsorlar yärdäm itep kilä.

Sotsial' xezmätkär buluı qatlawlı, ämma izge eş. Böten respublikadağı moxtaclarğa da älegä iğtibar citep betmi. Bu berençe çiratta sotsial' xezmätkärlärgä qıtlıq belän añlatıla. Sotsial' xezmätkärlärneñ citmäwe, berençe çiratta älege hönär iäläreneñ xezmät xaqınıñ tübän buluı belän añlatıladır. Sotsial' yaqlaw ministrı yärdämçese Ence Minhaceva xäzerge waqıtta awılda toruçı sotsial' xezmätkärlärgä beraz bulsa da yärdäm itü maqsatınnan, toraq öçen kommunal' xezmätlärgä tüläwdä 50 protsent taşlamalar buldırdıq, dide. Monnan tış başqa yärdäm sotsial' xezmätkärlärgä qaralmağan. Şuña älege eştä barı izge küñelle keşelär genä eşli ala.

Landış Xarrasova

XS
SM
MD
LG