Sämärqand -- Üzbäkstannıñ oppozitsädäge tıyılğan Ozod Dehqonlar (İrekle igençelär) partiäse xäbär itüençä, bügen Sämärqand töbägendä yözlägän keşe partiäneñ qulğa alınğan wäkile Norboi Xolcegetovnı azat itergä taläp itep miting uzdırğan. Partiä citäkçese Niğara Xidoyatova süzlärençä, kümäk xucalıqta ütkän qarşılıq çarasında kimendä 600 keşe qatnaşqan. Militsiä köçläre xucalıqnı qamawğa alğan. Partiäneñ cirle wäkile Norboi Xolcegetov xucalıqnı xosusıylaştıru näticälären qabat küzdän kişerergä çaqırğan bulğan. Uzğan yäkşämbedä ul qulğa alınğan.
