Accessibility links

шимбә, 10 декабрь 2016, Казан вакыты 04:23

Strassburg Taşkentqa yärdämne tuqtatırğa öndi


Strassburg -- Üzbäkstan, uzğan ayda Ändicanda bulğan xällärgä bäysez, xalıqara tikşerü röxsät itmi torıp, Yevropa Parlamentı Yevropa Berlegen, bu ilgä turı yärdämne tuqtatırğa çaqırdı. Deputatlar yärdämne barı tik ğäyre-räsmi oyışmalarğa birergä, ä Üzbäk xökümätenä digän turı yärdämne tuqtatıp torırğa çaqırdı. Alar şulay uq Quşma Ştatlarnı, Üzbäkstanğa finans taşlamalar xaqına, anda xärbi baza açu turında söyläşülärne tuqtatıp torırğa çaqırdı. Üzbäk räsmiläre Maynıñ 13ndä Ändicanda bulğan çualışlar waqıtında 173 keşe ülde dip belderä häm bu xällärgä xalıqara tikşerü ütkärüne kire qağa. Keşe oquqların yaqlaw oyışmaları häm oppozitsiädäge partiälär fikerençä, ul könne qorban bulğannar sanı meñ çaması. Yevropa Berlege, Quşma Ştatlar häm NATO bu xällärgä bäysez tikşerü ütkärergä çaqıra.

XS
SM
MD
LG