Belgrad -- Quşma Ştatlar Serbiä häm Çernogoriägä yärdämen yañarta. Bu turıda bügen Belgradta Quşma Ştatlar däwlät sekretare urınbasarı Nicholas Burns xäbär itte. Belgradnıñ xalıqara tribunal belän xezmättäşlek itmäwe arqasında 10 million dollar külämendäge yärdäm yıl başında tuñdırılıp torğan ide. Burns süzlärençä, premier-minisistr Voijclav Koştunica yärdäme belän, suğış cinayätlärendä ğäyeplängän keşelär Haag tribunalı aldına basqannan soñ, Washington yärdämen yañartırğa bulğan.
