Accessibility links

Кайнар хәбәр

Kölliättä tatar tele uqıtuçılarınıñ öç kenä çığarılışı bulaçaq


Yazma - Sabantuy turında şiğerlär belän Nailä, Zawr

Tıñlawçılar bu yazmanı sabantuy barışında yazılğan dip uylamasınnar, Omski ölkäsendä milli bäyrämebez bıyıl iyünneñ axırında ğına bulaçaq. Älege yazma isä tatar tele uqıtuçıların äzerläwçe 1-nse sanlı pedagogiä kolliätendä eşlände. Biredä bıyılğı uqu yılınıñ tatar tele buyınça soñğı därese açıq däres räweşendä ütkärelde. Anda ölkä xakimiäteneñ mädäniät ministrlıysınnan, Mägärif xezmätkärläreneñ belemnären kamilläşterü institutınnan, ölkä milli-mädäni moxtariätennän wäkillär, Kolliätneñ uqıtuçıları, ata-analar, qazax törkemendä uquçı talibälär häm başqalar buldı.

Yazma-Axmerova “Segodnya mı sobralis' ...”

Tatar tele uqıtuçısı Gölsinä Axmerova üzeneñ kereş süzendä däresneñ Qazannıñ 1000 yıllığına bağışlap ütkärelüenä basım yasadı, Qazannıñ tarixın häm bügenlesen çağıldırğan räsemnär kürgäzmäse belän tanıştırdı. Anıñ uquçıları - 1-3 kurslar talibläre - tatar xalqınıñ märkäzenä bağışlanğan şiğerlär uqıdılar, Qazannıñ 1000 yıllığına äzerlek turında söylädelär.

Annan tış därestä xalqıbıznıñ milli bäyrämnäre, qayber yolaları häm milli rizıqları kürsätelde. Alda äytelgänçä, däresneñ ber öleşe sabantuyğa bağışlanğan ide. Sabantuy turında söyläp kenä qalınmadı, ä qayber uyınnar da kürsätelde. Uyınnarda uquçılar da, kilgän qunaqlar da qatnaştı. Xätta çın sabantuy bäygesendä kebek, ciñüçelärgä büläklär dä buldı. Soñınnan 1-nçe kurs talibäläre üzläre äzerlägän milli rizıqlar belän qunaqlarnı sıyladılar. Rizıqlar turında qısqaça ğına söyläp, ni däräcädä telne öyränülären dä kürsättelär.

Yazma - qızlar

Axırda däreskä analiz yasaldı. Räsmi dairälärdän dä, tatar moxtariätennän qatnaşuçılar da, ata-analar da uqıtuçınıñ xezmätenä uñay bäya birdelär, yäş buınnı tärbiäläwdä, milli añnı üsterüdä mondıy däreslärneñ ähämiäte zur buluın assızıqladılar.

Yazma Rayıwa

Bu Mäğärif xezmätkärläreneñ belemnären kamilläşterü institutınıñ milli bülek mödire Sluçäç xanım Rayıwanıñ çığınnan özek buldı.

Ölkä tatar milli-mädäni moxtariäte räise urınbasarı Xälil äfände Sadıykov süzen uqıtuçığa räxmät äytüdän başladı.

Yazma – Xälil abıy

Mädäniät ministrlığınıñ milli bülege xezmätkäre Nurbol Al'canov bu kolliätne tämamlawçı uqıtuçılar tel uqıtuda yaña sulış kerterlär dip ömetlänüen belderde.

Yazma – Al'canov

Bıyıl berençe kursnı tammalawçı Yuliä belän Lenanıñ äbise Mösäwärä apa Kadıyrova onıqlarınıñ biredä belem aluınnan ütä qanäğät. Ul üze dä, qızlarnıñ äniläre dä şuşı kolliätne tämamlağan bulğannar. Töple belem birä torğan, nıqlı traditsiäläre bulğan bu uqu yortına qızlarıbıznı hiç tä ikelänmiçä kiterdek, ayıruça tatar tele uqıtıluın belgäç -, di Mösäwärä apa.

Yazma – Mösäwärä apa

Ämma şunı belderep ütärgä turı kilä - bu kolliättä aldağı uqu yılında tatar törkemenä qabul itü bulmayaçaq. Mäğärif ministrlıysında, berençedän, kolliätkä tatar balaların tuplaw zur qıyınlıqlar belän barsa, ikençedän, bulaçaq bu öç çığarılış ölkädä tatar tele uqıtuçılarına ixtiacnı tulısınça qänäğätländeräçäk dip sanıylar.

Rozaliä Sayganova, Omski.

XS
SM
MD
LG