Accessibility links

якшәмбе, 4 декабрь 2016, Казан вакыты 15:16

"Yañarış" bäyäsen arttıru – xatamı?


2005 nçe yılnıñ ikençe yartıyıllığına ğäzetä-jurnallarğa yazılu tämamlanırğa äz genä waqıt qalğanda Tömän ölkäsendä çığuçı “Yañarış” nı uquçılar poçta büleklärenä çaba. Häm alar kataloglardağı yazılu bäyäsen kürep bik nıq aptıraşta qalalar. Baqsañ, “Yañarış”nıñ üzendä basılğan yazılu kvitansiäsendä 78 sum 42 tien dip yazılğan bit. Ä poçta büleklärendä ike tapqır kübräk bäyä sorıylar. Kemnärder kire borıla, kemnärder awır sulap bu bäyägä rizalaşa. Bäyä artu xäbäre, äle döresme yuqmı, xalıq arasında tiz tarala bit. “Yañarış”nıñ baş möxärrire wazifaların başqaruçı Alsu Sägitowanı tıñlıyq äle: -İkençe yartıyıllıqa yazılu kataloğında Poçta Rossii idaräse xezmätkärläre “Yañarış”nıñ bäyäsen 78 sum urınına 138 sum dip kürsätkännär. Podpiska bülege başlığı Svetlana Mixaylova bezgä ölkäneñ böten büleklärenä bu xatanı tözätü turında xäbär cibärelgän dip äytte. Alsu Sägitowanıñ bu süzlärennän soñ Tömän şähäreneñ 46 nçı elemtä bülege başlığı belän bäyläneşkä kerdek. Gälinä Perwunina süzlärençä, aldaraq çınnan da “Yañarış” bäyäse katalogta yalğış kitep 138 sum itep kürsätelgän bulğan. Annan soñ östän kürsätmä kilgäç, alar bäyäne tözätkännär häm elekkeçä 78 sum 42 tien itep yazğannar. “Min inde 30 yılğa yaqın poçta bülegendä eşlim. Mondıy xällär başqa yıllarda bütän gazeta- jurnallar belän dä bulğalıy. Hiç kenä dä tatar gazetası bulğanğa maxsus eşlängän yalğış dip uylarğa yaramıy. Adäm balası milläteneñ kem buluına qaramastan yalğışmıyça tormıy bit”, -dide Gälinä Perwunina. Häm alar döres bulmağan bäyä belän aldan yazılırğa ölgergännärgä aqçaların kire qaytara başlağannar. Uzğan yılğı yazılu näticäläre belän bıyılğısın çağıştırsaq, bıltır 1 nçe yün 1900 keşe yazılğan bulğan, ä bıyıl isä meñgä dä tulmağan. Qayberäwlär bu problemnı milli säyäsättäge üzgäreşlär dip qabul itergä teläde. Bäyäsen yüri yalğış kürsätep yazıluçılarnı kimetep, ğazetanı da radio-teletäpşırular xälenä kiterep xälsezländerü öçen maxsus eşlänmäde mikän dip uyladı. Ämma fän häm mäğärif departamentı başlığı Nowopaşıyn äle yaña ğına “Yañarış”nıñ baş möxärrire wazifaların ütäwçe Alsu Sägitowa belän oçraşıp gazetanıñ 15 yıllığın ütkärü planın rasladı. 15 nçe sentäbrdä “Yañarış” çığa başlağanğa 15 yıl tula. Aña qädär xezmätkärlär tatar xalqı küp bulıp yäşägän rayonnarğa barıp oçraşular ütkäräçäk. “Yañarış”nı oyıştırğan redaktor, äle yaña ğına ruxı baqıy dönyağa küçkän, Azat Sägitov qäberenä taş quyarğa cıyınalar. Ğäzetänıñ 15 yıllıq tarixın tuplağan cıyıntıq ta dönya kürer dip ömetlänälär.

Nail Alan,Tömän

XS
SM
MD
LG