«Tatnet yoldızları» bäygese däwam itä. Näticälär yasalğanğa häm ciñüçelär bilgelängängä qädär,äle berniçä ay waqıt bar. Bäygeneñ bülägen däğwälawçı saytlar sanı arta bara. Xäzer, qatnaşırğa teläk belderüçelärdän 54 internet säxifä saylap alınğan. Alar arasında moña qädär kiñ cämäğätçelekkä bik bilgele bulmağan internet saytlar da bar. Mäsälän, Aqtanış rayonınıñ Kirov urta mäktäbeneñ internet säxifäse, bar. http://edu.aktanish.ru/school/kirov/index.html
Berençe bittä yazılğança, mäktäpneñ soñğı yañalığı – makulatura häm seberke cıyu eşe bulğan. Anıñ näticäse itep, mäktäptä 1 tonna qäğäz häm 300dän artıq sebere cıyu turında xäbär itelä. Säxifä mäğlümatlarğa bay, ämma nigäder ul urıs telendä genä birelä. Çallıda yäşägän rässam, icadi eşläre turındağı internet säxifäne dä, bäygegä täqdim itkän. Saytnıñ adresı ğadi www.farit.net. Rässam eşläreneñ virtual kürgäzmäse 3 teldä eşlängän. Rusça, inglizçä häm tatarça-latinça.
www.ajagan.at.tt digän internet säxifädä , «tatnet yoldızları» bäygesendä berençe tapqır qatnaşa. Bu şul isemendäge üzeşçän teatr-studiäseneñ oçraşa torğan, yañalıqlar belän büleşä torğan internet saytı bulıp tora. Säxifäneñ aderesın qabatlıym – www.ajagan.at.tt
Bu könnärdä, tatar telendäge internet säxifälär isemlegenä tağın 2 sayt quşıldı. www.idel-kama.narod.ru . Bu sayt, www.bulmas.ru sıman, tatar artistları turında şaqqatırğıç xäbärlär, muzika, faydalı faillar täqdim itüçe sayt bulıp çıqtı. www.idel-kama.narod.ru säxifäse ale yaña ğına internetqa çıqtı. Ul www.bulmas.ru, www.tataradio.ru, www.duslar.ru kebek internet saytlar belän yarışa alırmı yuqmı, yaqın könnärdä kürerbez.
Tağın ber sayt açıldı tatnetta. www.mezek.narod.ru
Belgeçlär äytüençä, küpçelek waqıtnı yäşlär internetta çatta utırıp häm anekdot uqıp uzdıra. Aralaşu bülmäläre tatnetta citärlek, ä menä tatarça mäzäklär, köldergeçlärgä genä bağışlanğan internet sayt yuq ide äle.
www.mezek.narod.ru saytı humornıñ törle sıyfattağısın täqdim itä. Sarkazm tulı xikäyälär dä bar biredä, bildän tübän däräcädäge mäzäklär dä, neçkä şayarular da, süz uynatular da bar.
Bikä Timerova.
