Kabul -- Küptän tügel Üzbäkstanda bulğan çualışlarnı Äfğanstanda nigezlängän islamçılar oyıştırğan digän ğäybätlärne Äfğanstan xökümäte bügen kire qaqtı. Älege ğäyepläwlär Rusiäneñ mäglümät çaralarında dönya kürgän ide. "Äfğanstannıñ terror üzäklärendä äzerlek ütkän keşelär Üzbäkstanğa ütep kergän" digän belderülärne Äfğanstannıñ saqlanu ministrlığı süzçese general Möxämmät Zahir Azimi "nigezsez" dip atadı. Pänceşämbedä Rusiä Saqlanu ministrı Sergei İvanov, Üzbästandağı çualışlarnıñ Äfğan cirendä äzerlänüe turında bezdä citdi mäglümätlär bar, digän ide. Anıñ bu süzlären İnterfax agentlığı kiterde.
