Accessibility links

пәнҗешәмбе, 8 декабрь 2016, Казан вакыты 03:08

Blairneñ Mäskäwgä ciñel säfäre


Britaniä premiere Blair Mäskävdä Rusiä prezidentı Putin belän oçraştı. Ul industriäläre alğa kitkän 8 ilneñ yäğni G-8neñ Şotlandiädä- Glenigelsta iyül ayında bulaçaq summitınnan elek üzeneñ Afrikağa yardäm häm klimet üzgäreşenä qarağan planarın Putin yaqlasın dip tırışa. Üz nävbätendä Putin 2006-nçe yılda Rusiä G-8neñ räislegen alğaç, Britaniäneñ yaqlauın alırğa ömetlänä.

İke citäkçe arasındağı söyläşülärneñ köntärtibendä keşe xoquqları yaki başqa bäxäsle mäsälälär tomağannıqtan, oçraşu da bik räxät häm cılı atmosferadan ütte. Alar asılda inde yartılaş xäl itelgän Afrikağa yardäm häm klimet üzgäreşe kebek mäsälälärne tikşerdelär. Bolar asılda Rusiä cämağätçelegen qızıqsndırğan temalar tügel. Annan başqa Mäskäv G-8neñ iñ fäqir afrika illäreneñ burıçın ğafu itü mäsäläsendäge qararına quşıldı da inde. Finans ministere Kudrin Rusiäneñ ul aqçanı alu ömete bolay da bulmağannıqtan, moña rizalıq birde dip beldergän ide. Rusiä fävral ayında Kyoto ptotokolına da imza itüe belän klimat üzgäreşen tuqtatunı yaqlarğa teläven dä işarä itte. Britaniä Rusiä G-8lär summitında bolarnı yaqlasın dip teli häm Mäskävneñ dä monı kire qağuı öçen säbäbe yuq. Şulay da Putin moña cavap itep Britaniädän närsäder kötüen dä işarä itte.

Audio

"Bez kiläse yılda G-8neñ räislegen alğaç Britaniäneñ yaqlauına ışanabız. Bez anıñ täcribä häm kiñäşlärennän şatlanıp faydalanaçaqbız."

Ul şulay uq Britaniäneñ altı ayga Yevropa Berlegeneñ räislegen dä üz östenä alaçağın küz aldında totqan bulırğa tieş. Qayberävlär Brüssel Rusiäneñ keşe xoquqların bozuına häm demokratiädän çitläşä baruına tänqitleräk mönäsäbät kürsätergä tieş dip belderälär. Britaniä vaqıtı vaqıtı belän bu mäsälälärdä tänqitle qaraş beldersä dä, ul yomıaq häm siräk buldı. Mäskävdäge summit da çığarma bumadı.

Audio

"Bezneñ Rusiänedäge xäzerge xäl häm kiläçäktäge tärräqiät turında bik qızıqlı ängämäbez buldı. İşetkännärem .. isketmäle."

Blair Britaniä Yevropa Berelegeneñ çirattağı räislege vaqıtında Mäskäv belän Brussel arasındağı mönäsäbätlärne täräqqi itterügä zur ähämiät biräçäk dip belderde. Putin isä Blairdän üzeneñ säyäsäten tänqitlävne auızlıqlarğa tırışsın dip sorağandır. Blairneñ Mäskävgä vizitı vaqıtında qıyın, kisken problemmalar tikşerelmägenntän ul ciñel buldı. Läkin, ul Mäskävdän Germaniä, Fransiä häm Luksemburgqa baraçaq. Anda isä kisken problemmalar, Yevropanıñ kiläçäge belän bäyläneşle mösälälär turında süz bulaçaq. Parijnıñ, London Yevropa Berlege budgetına başqalardan azıraq öleş kertü previligiäsennän vaz kiçsen digän taläbe säbäple Fransiä belän Britaniä arasında bäxäs kiskennäşte. Blairneñ bu illärgä vizitı , Mäskävdägä qarağanda qıyınıraq bulaçaq.

Färit İdelle, Praga.
XS
SM
MD
LG