Accessibility links

дүшәмбе, 5 декабрь 2016, Казан вакыты 19:53

Başqortstanda bäyrämnär däwam itä


12nçe yün bar rusiälelär kebek, başqortstanlılar da Rusiä könen bilgeläde. Ul yäkşämbe köngä turı kilü säbäple, 13nçe yün respublika xalqı yal itä. 12nçe yün ufalılar öçen öçlätä bäyräm buldı. Alar Rusiä könenän tış, başqala könen häm Salawat Yulayıv könnären dä bilgeläde. Älege bäyrämnär uñayınnan Ufada bik küp obyektlar açıldı. Sipaylowo bistäsendä fizkultura-sawıqtıru kompleksı, Dim yılğası aşa küper, “Mir” säwdä-yal üzäkläre açıldı. Bäyräm könnärendä 6 qatlı maşinalar quyu urını eşli başladı. Mondıy binanıñ respublikada berençegä açıluı. Bäyräm çaraları urıs häm başqort xalıqlarınıñ duslığın gäwdäländergän “Duslıq monumentı”na çäçäklär salu belän başlandı. Artaban şunda uq “Duslıq çäçkäse” isemle balalar häm “Yaratqan şähärem” isemle yäşlär bäyrämnäre buldı.13 säğättä Urıs drama teatrı binası aldında “Berdämlek” xalıq icatı festiwaleneñ yomğaqlaw konsertı uzdı. Lenin isemendäge mäydanda “Min yaratam sine, Rusiä” bäyräm konsertı uzdı. Anda Mäskäwdän kilgän“Premyer-ministr” häm başqa törkemnär dä qatnaştı. Bäyräm könne Başqortstan Prezidentı Mortaza Räximov Respublika yortında Yüriy Şevçuqqa “Başqortstannıñ xalıq cırçısı” isemeneñ bilgelären tapşırdı. Ufada tuıp-üsep, xaqimiät tarafınnan ezärleklänep Sankt-Peterburgqa kitkän il külämendäge bilgele roq-cırçı şul uq könne ufalılar aldında zur şow-konsert birde. Anda 50 meñgä yaqın keşe qatnaştı. Ufadağı bäyäm çaraların oyıştıru şähär qaznasına 1,5 million sumğa töşkän.

XS
SM
MD
LG