Accessibility links

шимбә, 3 декабрь 2016, Казан вакыты 18:49

Ata häm ul mäsäläse iğtibardan töşmi


Xäbär itüebezçä, respublikanıñ Milek ministrlığı Ural Räximov citäklägän “Başqort kapitalı”na kergän dürt neft eşkärtü zawodın mäxkämägä birgän ide. Anda ministrlıq qanunsız xosusıylaştırılğan şirkätlärneñ aqsiälären däwlätkä qaytarunı taläp itte. “Başqort kapitalı” ministrlıqnı kileşügä çaqırdı. Respublika Prokurorı kileşüne xuplamawın belderügä qaramastan, Milek ministrlığı mäxkämäläşülären tuqtattı. Xäbärlärgä qarağanda, bu Mortaza Räximov häm ulı Ural Räximovlarnıñ söyläşüendä xäl itelgän. Anda Ural Räximov atasına başqa säyäsätkä qısılmasqa häm barı tik biznes belän genä şöğellänäçägen ışandırğan. Näticädä ata häm ul arasındağı konfliktqa noqta quyılğan. Milek ministrlığınıñ “Başqort kapitalı” belän kileşüe respublika Prokuror komandirovkada çaqta bulğan. Bu turıda “Kommersant” gäzite xäbär itä. Anda Prokuratura xezmätkärläreneñ mäxkämägä möräcägät itü ixtimallığı buluı da äytelä.

XS
SM
MD
LG