Accessibility links

якшәмбе, 11 декабрь 2016, Казан вакыты 03:23

“Mäskäwenergo” şirkäte citäkçese itep Başqortstannıñ eks-premerı bilgelände


Ul Anotolıy Kopsov. Kopsov 1992nçe yılda premer itep bilgelänep, ike yıl eşläw belän qanun bozuda ğäyeplänep, urınınnan buşatılğan ide. Ul tupas räweştä torlaq qanunın bozuda ğäyeplände. Mäğlümat çaraları anıñ byüdjet isäbenä kottedj tözüe turında çañ suqtı. Xurlıqlı räweştä eştän alınğan keşeneñ zur wazıyfağa bilgelänüen respublika xäbärdarlıq çaraları Başqortstannıñ zur qazanışı kebek sürätli. Başqortstan başqort telen häm mädäniäten yaqlaw öçen Mäskäwdän aqça ömet itä. Respublikanıñ Mädäniät häm milli säyäsät ministrlığı Rusiäneñ Töbäklär üseşe ministrlığına möräcägät itte. Anda “Rusiä Federätsiäse başqortları” isemle federal programma qabul itü mäsäläse kütärelä. Şundıy uq isemdäge respublika programması da qabul iteläçäk. Anıñ ölgesen saylap alu öçen xökümät komissiäse oyıştırıldı.

Mönir Wafin, Ufa

XS
SM
MD
LG