Yaqınça 200-läp keşeneñ Oş şähäre üzägendäge "Alay" qunaqxanäsenä höcüm itüe häm andağı saqçılarnıñ ut açuı näticäsendä berniçä keşe cäräxätlär aldı dip xäbär itelä. Radiobıznıñ andağı xäbärçese, qırğız redaksiäsenä eşläwçe Quwanıçbäk Yoldoşev Oştağı höcümne bolay sürätli:
Audio, Quwanıçbäk Yoldoşev
"Min Kalaşnikovtan atqan awazlar işetäm, elegräk "Alay" qunaqxanäsen yawlap alırğa telägän 200-läp keşe xäzer bina tirälärendä yäşerenep yata. Bu yaqta yäşägän xalıq poşmanğa töşte, alar maşinalarına utırıp tizräk kitü yağın qarıy" dip xäbär itä radiobıznıñ Oş şähärendäge xäbärçese. Anda çualışlar, ağaç çuqmarlar belän qorallanğan törkemneñ "Alay" qunaqxanäsenä bärep kerergä tırışuı arqasında başlanıp kitä. Şul keşelär qunaqxanä xucası, häm berük waqıtta parlament äğzası Bayaman Erkinbayıvnıñ köndäşläre bulğan dip farazlana. Höcüm artında säyäsi mänfäğätlär yatqanmı, yuqmı - monısı älgä tögäl açıq tügel, şul ğına mäğlüm - küptän tügel genä Qırğızstan könyağındağı ikençe ber şähärdä, Qarasuda, Erkinbayıvnıñ säwdä eşlärenä qarşı inde ber cıyın ütkän ide. April ayında anıñ üzenä höcüm yasalıp, ul anda yaralanğan ide. Prezident saylawlarına äzerlängän Qırğızstanda ul arada başqa törle höcümnär dä yışaya. Uzğan şimbädä bilgesez keşelär töp nämzät sanalğan waqıtlı prezident Qormanbäk Baqievnıñ saylawaldı känsälärenä bärep kerergä tırışıp qaradı. Bu xaqta bezgä anıñ matbuğat wäkile Awazbäk Ataxanov belderde:
Audio, Awazbäk Ataxanov
"12-nçe yüngä qarşı töndä bilgesez zatlar Qormanbäk Baqievneñ saylawlarğa äzerlänü idaräsenä höcüm itte, alar andağı ike saqçını qıynap kitkän, alarnıñ xäle xäzerge waqıtta bik awır. Qırğızstannıñ Däwlät İminlege xezmäte şuşı cinayätne tikşerü eşlären başlap cibärde" di Baqievnıñ matbuğat wäkile. Räsmi wäkillär, bu höcüm säyäsi maqsatlardan çığıp yasalğan dip belderä, alar fikerençä, anda Baqievneñ programmasın, saylawlarğa äzerlek xälen, torğan urının belü maqsatı quyılğan bulğan. Bişkäktäge Qırğız Milli Universitetındağı säyäsi fännär professorı Alibäk Axunov monıñ belän kileşmi, häm bu höcümdä säyäsi maqsatlar ezlärgä tırışu urınsız dip isäpli:
Audio, Alibäk Axunov
"Ägär dä kemgä dä bulsa säyäsätçelärneñ kön wä eş tärtiben, adresın belü kiräk ikän, ul monıñ öçen saqçılarnı qıynap kitmäs ide. Andıy mäğlümatnı başqaça da tabıp bula. Şuña da biredä beraz küpertü sizelä, şäxsän min monı säyäsätkä bäyli almıym" di qırğız professorı Axunov. Küzätüçelär, soñğı höcümnär artında kübräk törle iqtisadi törkemnärneñ säwdä mänfäğätläre tora ala digän faraz belderä. Comğa könne Bişkäktä elekke prezident Äskär Aqayev tarafdarı häm deputat Cırğalbäk Surabaldievne atıp üterü uñayınnan Qırğızstannıñ Däwlät İminlege xezmäte başlığı Taştimer Ğaitbayev, bu ğadi ber "razborka", yäğni külägä iqtisadı törkemnäre arasındağı üzara "xisaplaşu" bulıp tora dip belderde.
Kärim Kamal
Audio, Quwanıçbäk Yoldoşev
"Min Kalaşnikovtan atqan awazlar işetäm, elegräk "Alay" qunaqxanäsen yawlap alırğa telägän 200-läp keşe xäzer bina tirälärendä yäşerenep yata. Bu yaqta yäşägän xalıq poşmanğa töşte, alar maşinalarına utırıp tizräk kitü yağın qarıy" dip xäbär itä radiobıznıñ Oş şähärendäge xäbärçese. Anda çualışlar, ağaç çuqmarlar belän qorallanğan törkemneñ "Alay" qunaqxanäsenä bärep kerergä tırışuı arqasında başlanıp kitä. Şul keşelär qunaqxanä xucası, häm berük waqıtta parlament äğzası Bayaman Erkinbayıvnıñ köndäşläre bulğan dip farazlana. Höcüm artında säyäsi mänfäğätlär yatqanmı, yuqmı - monısı älgä tögäl açıq tügel, şul ğına mäğlüm - küptän tügel genä Qırğızstan könyağındağı ikençe ber şähärdä, Qarasuda, Erkinbayıvnıñ säwdä eşlärenä qarşı inde ber cıyın ütkän ide. April ayında anıñ üzenä höcüm yasalıp, ul anda yaralanğan ide. Prezident saylawlarına äzerlängän Qırğızstanda ul arada başqa törle höcümnär dä yışaya. Uzğan şimbädä bilgesez keşelär töp nämzät sanalğan waqıtlı prezident Qormanbäk Baqievnıñ saylawaldı känsälärenä bärep kerergä tırışıp qaradı. Bu xaqta bezgä anıñ matbuğat wäkile Awazbäk Ataxanov belderde:
Audio, Awazbäk Ataxanov
"12-nçe yüngä qarşı töndä bilgesez zatlar Qormanbäk Baqievneñ saylawlarğa äzerlänü idaräsenä höcüm itte, alar andağı ike saqçını qıynap kitkän, alarnıñ xäle xäzerge waqıtta bik awır. Qırğızstannıñ Däwlät İminlege xezmäte şuşı cinayätne tikşerü eşlären başlap cibärde" di Baqievnıñ matbuğat wäkile. Räsmi wäkillär, bu höcüm säyäsi maqsatlardan çığıp yasalğan dip belderä, alar fikerençä, anda Baqievneñ programmasın, saylawlarğa äzerlek xälen, torğan urının belü maqsatı quyılğan bulğan. Bişkäktäge Qırğız Milli Universitetındağı säyäsi fännär professorı Alibäk Axunov monıñ belän kileşmi, häm bu höcümdä säyäsi maqsatlar ezlärgä tırışu urınsız dip isäpli:
Audio, Alibäk Axunov
"Ägär dä kemgä dä bulsa säyäsätçelärneñ kön wä eş tärtiben, adresın belü kiräk ikän, ul monıñ öçen saqçılarnı qıynap kitmäs ide. Andıy mäğlümatnı başqaça da tabıp bula. Şuña da biredä beraz küpertü sizelä, şäxsän min monı säyäsätkä bäyli almıym" di qırğız professorı Axunov. Küzätüçelär, soñğı höcümnär artında kübräk törle iqtisadi törkemnärneñ säwdä mänfäğätläre tora ala digän faraz belderä. Comğa könne Bişkäktä elekke prezident Äskär Aqayev tarafdarı häm deputat Cırğalbäk Surabaldievne atıp üterü uñayınnan Qırğızstannıñ Däwlät İminlege xezmäte başlığı Taştimer Ğaitbayev, bu ğadi ber "razborka", yäğni külägä iqtisadı törkemnäre arasındağı üzara "xisaplaşu" bulıp tora dip belderde.
Kärim Kamal