Accessibility links

якшәмбе, 11 декабрь 2016, Казан вакыты 09:17

Qazaxstan oppozisiäse citäkçese "Xabar" agentlığınıñ däräcäsen töşerüdä ğayeplände


Almatınıñ Medeu rayonı mäxkämäse oppozisiä citäkçese Altınbek Sarsenbayevqa Qazaxstannıñ iñ zur Xabar isemle mäğlümat agentlığınıñ däräcäsen töşerüdä ğäyepläw belderep, 7 meñ 500 dollar ştraf cäzasın bilgeläde. Mäxkämä qararında şulay uq Sarsenbayev, üktäber ayında Respublika gazetına äytkän süzlären kire qağırğa häm monı yañadan bastırırğa tieş, dielä. Äñgämädä Sarsenbayev, prezident Nursoltan Nazarbayevnıñ qızı Dariğa Nazarbaeyva qulında bulğan mäğlümat çaralarında Qazaxstan räsmiläre monopoliäne beterergä tieş, dip beldergän ide. Anıñ süzlärençä, bügenge köndä Qazaxstandağı mäğlümat bazarı Nazarbayeva häm anıñ Asar isemle säyäsi firqase mänfäğätlärenä xezmät itä. Oppozisiädäge "Ğadel Qazaxstan öçen" xäräkät citäkçese Sarsenbayev, yuğarıraq mäxkämägä möräcäğät itäçägen belderde.

XS
SM
MD
LG