Accessibility links

чәршәмбе, 7 декабрь 2016, Казан вакыты 19:23

İran prokurorı Säid Mortazavi kiçäge höcümnärne oyıştıruçılarnı tabırğa wäğdä itte


İrannıñ yuğarı prokurorı Said Mortazavi, kiçä Ahwaz şähärendä höcümnär oyıştırğan keşelär tabılaçaq häm cäza alaçaq, dip belderde. Xuzestan vilayäte başqalası , Ğiraq çigenä yaqın bulğan Ahwazi şähärendä kiçä şartlawlar näticäsendä 8 keşe hälak buldı, 70tän artığı yaralandı. Soñıraq Tährannıñ könçığışında da şartlaw buluı turında xäbär itelde. Anda 2 keşe ülgän. Prokuror höcümnärne oyıştıruçılarnı "Allanıñ doşmannarı" dip atadı. Baş fatirı belän Londonda bulğan İran Ğaräp törkeme (Ahwazinıñ Xalıq Demokratik Frontı) höcümnär öçen cawaplılıqnı başta üz östenä aldı. Ämma soñıraq bu törkem monı kire qaqtı. 17 yün comğa könne İranda prezident saylawları ütäçäk.

XS
SM
MD
LG