Accessibility links

җомга, 9 декабрь 2016, Казан вакыты 10:57

Tatarstandağı avtobuslar gaz motorları belän çığarıla başlıy


14 yündä Qazanda, «Avtomobil häm texnosfera» digän konferensiä açıldı. Tatarstanda xäzer 600 meñ maşina terkälgän, avto artqannan arta bara, şuña da avtomobillärgä qağılışlı yañalıqlar küplärne qızıqsındıra. Sişämbe könne açılğan fänni konferensiädä, benzinnan başqa yağulıq törläre xaqında fiker alışu buldı. Süz gaz turında bara. Bu ideanı yul xezmäte ministrlığı da yaqlıy. Gaz yağu arzanraqqa töşä häm tabiğätkä azraq zıyan kiterä. «Avtomobil häm texnosfera» digän konferensiädä äytelgänçä, «KamAZ», «NefAZ» häm Tatarstan xökümäte arasında kileşü äzerlänä. Anıñ nigezendä, yök maşinaları häm avtobuslar öçen gazda eşli torğan motorlarnı sınaw bulaçaq. Şulay uq, awıl xucalığında qullanıla torğan texnikanı gazğa küçerü täqdim itelä. Mäsälän, yağulıq itep gaznı qullanu turındağı maxsus programmalarda, respublika külämendä 2 meñgä yaqın maşinağa gaz motorın quydırunı küz aldında tota. Ciñel maşinalarnı gazğa küçerü turında älegä barmıy. Tatarstan byudjetı yağulıqnıñ här törennän da fayda ala, çönki tabiği gaz da Tatarstanda tabıla häm eşkärtelä.

XS
SM
MD
LG