Accessibility links

пәнҗешәмбе, 8 декабрь 2016, Казан вакыты 03:09

Ğiraqta kimendä 47 keşe häläk bulğan


Bağdad -- Bügen Ğiraqta bulğan bäreleşlär näticäsendä kimendä 47 keşe häläk bulğan. Tönyaqtağı Kirkuk qalasında intihar höcümçe bank tiräsenä cıyılğan keşelär yanına kilep üzen şartlatqan. Näticädä kimendä 18 keşe häläk bulğan, 50dän artığı yaralanğan. Bağdadtan 60 çaqırım yıraqlıqtağı Baquba qalasında şartlatqıç tutırılğan maşina patrulgä höcüm itep, kimendä 5 Ğiraq xärbie häläk bulğan. Anbar töbägendä politsiä 24 üle gäwdä tapqan. Alarnıñ kübese, Ğiraq armiäsendä maşina yörtüçe bulıp eşlägän, atnakiç könne häcümgä duçar bulğan keşelär, dielä. Qalğannarı – 6 Ğiraqlı häm ber Nepallı – cirle telefon kompaniäsendä eşlägännär.

Ul arada, Körd demokratik partiä citäkçese Mäsxüd Barzani bügen Ğiraqnıñ Kördstan töbäge prezidentlığına ant kiterde. Barzani, Kördstannı, Ğiraqnıñ ayırılğısız öleşe dip atadı.

XS
SM
MD
LG