Accessibility links

якшәмбе, 11 декабрь 2016, Казан вакыты 11:05

Putin: Rusiä çimal satuçı bulıp qala ala


Peterbur -- Rusiä prezidentı Vladimir Putin, Rusiäneñ neft häm gaz satuğa bäylelegen kimetü öçen, iqtisadnıñ başqa tarmaqların da üsterergä çaqırdı. Bügen Peterburda, xalıqara iqtisad forumında yasağan çığışında, Putin, däwlät iqtisadqa artıq tıqşınmasqa tieş dide häm Rusiäneñ çimal satuçı ilgä äylänep qalu qurqınıçın äytte:

"Bügen Rusiä çimal satuçı qüätle il. Bu bezneñ zur östenlek. Çimal tabu häm eşkärtü yuğarı texnologiäle bula ala. Ämmä, tabiğıy baylıqlar ğına qullanu iqtisadi üseş öçen citärlek tügel, qayçaq bu xättä zıyanlı da."

Putinnıñ bu belderüe aldınnan, belgeçlär, Rusiäneñ neft häm gaz satuğa nıq bäyle buluı anıñ totrıqlılığına yanıy digän kisätülär yasağan ide.

Şul uq forumda qatnaşqan, Rusiäneñ iqtisadi üseş häm säwdä ministrı German Gref, Yukos eşe Rusiäneñ investitsiä şartlarına zur zıyan kiterde, digän. İnterfax xäbär itüençä, bu süzlären ul forum qısalarında, jurnalistlar belän oçraşqanda äytkän.

XS
SM
MD
LG