Accessibility links

җомга, 9 декабрь 2016, Казан вакыты 16:41

Austbe: Çeçnä xalqı xalıqara yaqlawğa moxtac


Mäskäw -- Rusiä Çeçen qaçaqlarına öylärenä qaytu öçen tieşle şartlar tudıra almıy. Bu turıda keşe xoquqların yaqlawçılar sişämbedä Mäskwädä ütkän matbuğat oçraşuında belderde. Anda Yevropanıñ 17 ilendä eşläwçe 70tän artıq oyışma qatnaşında äzerlängän xisap iğlan itelde. Xisap äzerläwçelärneñ berse, Xalıqara Helsinki Federatsiäse wäkile Anne Marit Austbe süzlärençä, Çeçnädä keşe xoquqları bozılu turında terkälgän dälillär bar. Çeçnä xalqı xalıqara yaqlawğa moxtac, dide ul.

Ul arada bügen Çeçnäneñ İtum-Kali rayonında, Doka Umarov citäklägän möcähetdinnär törkeme belän bulğan bäreleşlär näticäsendä, Rusiäneñ 2 xärbie häläk bulğan, tağın 5-se cäräxätlär alğan. Möcähetdinnär qaçıp kitkän, dielä.

XS
SM
MD
LG