Accessibility links

якшәмбе, 4 декабрь 2016, Казан вакыты 13:10

Militsiä ufalılarnı qıynağanmı?


Soñğı könnärdä bu iñ eş birelgän sorawğa äylände. Xäbär itüebezçä, 13 yün ufalılar belän militsiä arasında qarşılıq bulğan ide. Ul militsiä xezmätkärläreneñ dürt iserek irne totqarlawı säbäple başlanğan. İsereklärneñ berse aynıtqıçqa, balasın iärtkäne - öyenä qaytarıp cibärelgän bulğan. Qalğan ike iserekne totqarlaw waqıtında ufalılar alarnı militsiädän aralıy başlıy. Militsiäneñ saq urınına yaqınça 70kä yaqın keşe cıyıla. Aradan berse taş atıp täräzäne wata. Totqarlanuçılar yaralana. Bu turıda Eçke eşlär ministrlığınıñ matbuğat üzäge başı Ruslan Şäräfetdinov belderde. Ul xalıqnı militsiä öyenä qaytarıp cibärgän bala iärtkän ir cıyğan dip isäpli. Militsiä xezmätkärlären tikşerü alarnıñ aynıq buluın kürsätkän.

Totqarlanuçı ike ir üzläreneñ yaralanuların pıyala watığınnan tügel, ä militsiä qulınnan dip añlatqan. “Rusiäneñ keşe xoquqları öçen xäräkäte” başı Lev Ponomarev bu waqıyğa turında xäbärdar buluı, läkin tögäl belmäwen ireşterde. “Cirle üzidärälärne üsterü fondı” başı Rämil Bignov alarnıñ militsiä qulınnan zıyan kürü ixtimallı barlığın äytte. Ul bu mäsälägä açıqlıq totqarlanuçılar belän söyläşüdän soñ kerer dip uylıy.

XS
SM
MD
LG