Accessibility links

җомга, 9 декабрь 2016, Казан вакыты 08:54

Dürtöyle mäxkämäläşü üzägenä äylände


Xakimiät başlığı Rawil Däwlätov ğädellek ezläp Rusiä citäkçelärenä möräcägät itüçelärne abruyın töşerüdä ğäipläp mäxkämägä birgän. Alar arasında berniçä pensioner da bar. Däwlätov alarnıñ härbersennän kürgän äxlaqıy zıyan külämen ber million sum dip bäyälägän. Başqortstan tatar ictimağıy üzägeneñ Dürtöyle bülekçäse räise Vener Fättaxov ber könne genä dä dürt tapqır mäxkämäläşüen ireşterde.

* * *

Pionerlar lağerenda su kergändä ber bala yuqqa çıqqan. Ul Maksim Gizdullin. Waqıyğa Nögeş yılğası buyında urnaşqan “Duslıq” lağerenda bula. 9 yäşlek Maksim su kerergä dip yılğağa kerä häm ğäip bula. Ul Ufanıñ 9nçı sanlı balalar yortında tärbiälängän. Tärbiäçeläre anıñ qaçu ixtimallığı da bar dip uylıy.

* * *

15 yün cämägätçelek autobuslarında yörügä xaqlar kütärelde. Elek 5 sum tüläw urınına xäzer 6 sum tüläp yörergä turı kilä.

Mönir Wafin, Ufa

XS
SM
MD
LG