Accessibility links

Кайнар хәбәр

Ğiraqta 31 keşe hälak buldı


Ğiraq buylap bulğan höcümnärdä bügen kimendä 31 keşe hälak buldı. Ğiraq başqalasınnan tönyaqkönçığışqa taba 60 çaqrımda urnaşqan Xales şähärendä Ğiraq xärbiläre aşxanäsendä intixar höcüme buldı. Kimendä 23 xärbi hälak buldı, 30ğa yaqını yaralandı. Bağdadta ike polisiä maşinasına intixarçı maşinası kilep bärelep şartladı, anda kimendä 8 polisiä xezmätkäre hälak buldı. Sydneyda Australiä premyer-ministrı John Howard, ike ayğa yaqın Ğiraqta totqında bulğan Australiä watandaşı Douglas Wood, Ğiraq xärbi köçläre yardämendä azat itelde, dip xäbär itte. Woods Bağdadtağı Australiä wäkillärenä tapşırılğan. Ğiraq saqlanu ministrlığı xäbär itüençä, Abed Dawood Suleiman qulğa alınğan. Bu keşe – yordanlı Abu Musab al-Zarqawinıñ xärbi kiñäşçese bulğan dip xäbär itelä.
XS
SM
MD
LG