İrannıñ tönyaqkönbatışındağı Mahabad şähärendä İran kördläre häm polisiä arasında bäreleşlär bulğan. Bu xaqta İrannıñ räsmi İRNA mäğlümat agentlığı xäbär itä. Çualışlar, kiçä kürşe Ğiraqta Massud Barzani'nıñ Kördistan prezidentı wazifasına kereşüe turındağı xäbärlärdän soñ başlanğan. 300gä yaqın keşe uramnarğa çığıp maşinalarnı, kibet täräzälären watqan. Tön urtasında ğına tınıçlıq urnaşqan, dip xäbär itelä. Comğa könne İranda prezident saylawları ütäçäk.
