Accessibility links

якшәмбе, 11 декабрь 2016, Казан вакыты 16:50

İran plutoniy tikşerüläre turında yalğan mäğlümat birgän


Irannıñ plutoniy belän tikşerülären 1993nçe yılda uq tuqtatuı turında xäbärenä qaramastan, bu eşne äle 98nçe yılğa qadär däwam itkäne turında mäğlüm buldı. Bu xaqta bügen xalıqara atom energiäse agentlığı başlığı urınbasarı Pierre Goldschmidt idarä şurasına belderde. Plutoniy atom qoralı citeşterüdä, ämma ber ük waqıtta energiä çığanağı bularaq qullanıla ala. İran belderüençä, Tähran plutoniynı näq energiä öçen qullana. İrannı täñqitläp kilgän diplomatlar bügenge xäbär – İrannıñ yäşeren atom qoralı citeşterü niäte buluına tağın ber dälil, dip sanıy. Atom İdaräse Söğüd Ğäräpstan belän tikşerülärne çikläw turında kileşü tözede. Ägär dä ilneñ atom cihazları yä eşçänlege bilgele ber külämnän artmasa, bu ilgä xisap qına tapşırıp tikşerülär uzdırmaw röxsät itelä. Amerika Quşma Ştatları, Yevropa Berlege, Australiä kileşügä qarşı çıqtı. Diplomatlar belderüençä, Söğüd Ğäräpstannıñ atom qoralı citeşterüe borçu tudırmıy, ä menä Rhiadh'nıñ tikşerüçelärne kertmäwe – şikle kebek kürenä. Atom İdaräse tizdän Gruziägä üz wäkillären cibäräçäk. Anda atom qoralın cäyeldermäw söyläşüläre ütäçäk.

XS
SM
MD
LG