Tatarlar 600 yıl elek litvalıylar belän bergä rıytsar'larğa qarşı suğışıp zur Litva däwläten tözedelär. Häm Vitoltos knyaze tatarlarnı bik zurlar alarğa dvoryan titulları birde. Şul könnän birle Litvada tatarlarğa xörmät däwam itä. Alar üz oyışmaların tözi, gazetaların çığara, mäçetläre, yäkşämbe mäktäpläre bar. Litvadan kilgän 19 millättäşebez bügen kongressta bulğan oçraşu waqıtında şular xaqında söylädelär.
Qazan belän tanışırğa dip olı buın wäkilläre häm mäktäp uquçıları da kilgän ide. Yäkşämbe mäktäbenä yörüçe 11 sıynıf yegetläre küptän tügel Litvada uzğan bäygedä ciñgännär. Anda törle millät wäkilläre 15 minut öçendä üz ğöref-ğadätlären kürsätergä tieş bulğan. Tatar balaları milli cır-iyüllärne, tatar aşların täqdim itälär. Häm berençe urınğa layıq bulalar. Ğomumän, Litvadağı millättäşlärebez cır-biyuğa bik häwäslär ikän. Kongresstağı oçraşu waqıtında törle çaralar oyıştıruları xaqında söylädelär. Qazannıñ 1000 yıllığına bağışlap mädäniät könnäre, Sabantuylar uzğan. Visağinas şähäreneñ “Miras” icat kollektivı citäkçese Liliä Musina:
Visağinas şähärendä başqa millät wäkillärenä tatar mädäniäte belän tanıştırabız. Panivejes şähärendä, Klaypeda da dekaberdä mädäniät könnäre uzdıruda qatnaştıq. Yäşlär Tatarstanğa kilep aralaşsınnar ide, telne bayıtırlar ide.
Panivejes şähärendä tatarlar bik az ikän. 150 meñ keşelek şähärdä barlığı 20 genä millättäşebez genä bar. Ämma Qazanğa kilgän millättäşlärebez, Panivejesta tağın tatarlar bar, alarnı tabarğa ğına kiräk dip sanıy.
Kaunas şähärendä tatarlar bäyrämnärgä mäçettä cıyıla ikän. Bu xaqta Rinat Ğäynullin
Bez Kaunasta mäçet buldırdıq. Başta sirk bulğan binanı 1999 yılda restavratsiälädek. Xäzer şunda cıyılabız.
Kongressta uzğan oçraşu waqıtında şulay uq Litvanıñ Awrupa Berlegenä kerüe, “Yaña Ğasır” teleradiokompaniäse turında fiker alışular buldı.
Landış Xarrasova
