Accessibility links

якшәмбе, 11 декабрь 2016, Казан вакыты 05:11

Bağdadta şiği mäçete yanında höcüm bulğan


AQŞ köçläre mäğlümatlärenä qarağanda, Ğiraq belän Süriä çik buyında ğısyançılarğa qarşı xärbi çara uzğan. "Sönge operasiäse" dip isemlängän bu çarada ğısyançılarğa qarşı amerikan köçläreneñ meñgä yaqın maxsus xärbie häm Ğiraq ğaskärläre qatnaşqan. Uzğan şimbä könne şul töbäktä 40 ğısyançı üterelgän. Azçılıqtağı sönni ğäräplärneñ dä yaña konstitusiäne tözü eşendä qatnaşaçağı mäğlüm buldı. Bu xaqta prezident Cäläl Talabani xäbär itte. "Belüemçä, san turında da kileşengän, 15 sönni wäkile häm 10 kiñäşçe. Ämma ber äyberne azsızıqlap äytäsem kilä – san ul qadär möhim tügel, çönki böten qararlar kileşü nigezendä qabul itelä," dide Talabani. Pänceşämbe könne amerikan xärbiläre Möhämmäd Xalif Şaiker isemle keşene qulğa aluların belderde. Şaiker Yordanlı suğışçı Abu Musab al-Zarqawinıñ yaqın xärbi yardämçese bulıp tora, dip farazlana. Bağdadtağı Kamaliya bistäsendä şiği mäçet yanında comğa namazınnan soñ intixarçı maşinasın şartlatqan. Ğiraq polisiäse xäbär itüençä, namazdan çığuçılar arasında ülüçelär häm cärähätlär aluçılar bar. Soñğı waqıtlarda şiği möçetlärgä höcümnär arttı.

XS
SM
MD
LG