Accessibility links

якшәмбе, 11 декабрь 2016, Казан вакыты 09:19

Tatnet: qaysı sayt internetta iñ poplyar?


Qazanda açılğan, milli häm regional matbuğat kongressında, Tatarstan, terkälgän gäzitlär sanı belän iñ kübe, dip sanala. Käğäzdäge gäzitlär, küplärgä tanış, alarğa yıl sayın yazılu kompaniäse ütkärelä, tirajdan häm äbünäçelär sanına qarap, gäzitneñ däräcäsen häm populyarlığın bilgelilär. Ä internetta niçek, beläsezme? Dönya päräwezendä dä, basmanıñ däräcäsen bilgeli torğan maxsus kürsätkeçlär bar. Mäğlümat çaraları öçen ul, internetta telgä alu indeksı häm qullanuçılar sanı bulıp tora. Mäsälän, ber internettağı sayt qızıqlı xäbärlär bastıra ikän, şuşı uq xäbär internetta nindi tizlek belän tarala, küpme säxifä bu xäbärne küçerep bastıra, şul tsitatalar kiterü indeksı bula da inde. www.e-tatar.ru säxifäse, şuşı indekslarnı açıqlaw öçen, belgeçlär arasında soraştıru ütkärgän. «Yandex» kebek ezläw saytı, şuşı xikmätle indeksqa qarap tübändäge isemlekne kiterä. Mäsälän, iñ küp qabatlana torğan sayt, www.intertat.ru bulıp çığa, annan xäbärlär 1300 tapqır alınğan, annan soñ, «Vechernaya Kazan» gäzite bara, anıñ indeksı - 750, «Respublika Tatarstan», «Rabota Segodnya» kebek gäzitlärneñ mäğlümatları da başqa säxifälärdä 700 tapqır küçerep bastırılğan. «Tatar-inform» agentlığı 325 digän indeks belän isemlektä kürenä. Älege isemlektä, tatar saytları bötenläy telgä alınmıy. Barı www.intertat.ru, häm www.tatar-inform digän internet agentlıqlarnıñ tatar büleklärenä genä ömet itärgä qala. Başqa sıyfatlarğa qarağanda, kerep yörgän qullanuçılar sanın bilgelägändä, şunı küräbez. www.intertat.ru häm www.tatar-inform.ru kebek saytlar könenä 1000 mengän artıq qullanuçı belän maqtana ala. www.tatar.ru kebek Tatarstannıñ räsmi internet säxifäse, şundıy uq sannar kiterä. Tatarça gäzit-jurnallarnıñ aktivlığı, ğädättä, berniçä tapqırğa kimräk bula.



Bikä Timerova.

XS
SM
MD
LG