Accessibility links

җомга, 9 декабрь 2016, Казан вакыты 14:35

Äbi 68 yäşendä soñğı irennän balağa uza


Azatlıq radiosı tatar ğäzitlğreneñ härberse belän dus yäşi. Bügen bezdä qunaqta tatarstan yäşläre ğäziteneñ baş möxärrire İsmäğıyl Şäräfiev.

- İsmäğıyl äfände, büğenge köndä Tatarstan yäşlären bügen nindi temalar qızıqsındıra?

- Yazğanda yäki söylägändä, bez uquçı küzlegennän çığıp eş itäbez, yäğni uquçı monı uqığaç, bu miña närsä birä dip uylarğa tieş.

- Tatarstan yäşlären küpme keşe aldıra?

- 57 meñ keşe. Menä Rim papası ülgännän soñ, böten televidenie täwleklär buyı şunıñ turıda söyläde. Bez uylap torabız, menä fälän apa sıyırın sawıp kergännän soñ, ul televizor qararğa utıra. Anı bu xäbär küpme däräcädä qızıqsındırırğa mömkin ikän? Ägär dä inde berär citäkçe ülde disälär, ul waqıtta ul qızıqsınır ide. Apa bu adämne kem üterde mikän, närsägä ülgän mikän, anıñ urınına kemne quyarlar mikän dip qızıqsına başlıy. Şuña kürä waqiğalarnı saylağanda kemgä dä tä'sir itä torğanın saylıybız.

- Menä Azatlıqta “Xikmätle xällär” säxifäse bar, ä sezdä xikmätle xällär turında yazalarmı? Berär misal kiterä alasızmı?

- Leninogorsk rayonınnan 68 yäşlek ber äbidän xat kilep töşte. Ul anda Oyatlı buldım, menä bu ir belän tordım, tege ir belän tordım dip yazıp cibärgän. Qısqası bu äbi 68 yäşendä soñğı irennän balağa uza, anıñ isäpläwe buyınça bu bala 5 – 6 aylıq bula. Şunnan soñ bez rayon sırxawxanäsenä, rayon gazetasına şaltıratıp beleştek, läkin berkemdä özderep ber närsä dä äytmäde. Bez monı bastırıp çığardıq. Şunnan soñ redaksiägä keşe köldermägez dip xatlar kilä başladı. Annarı ber könne bezgä äbineñ qızı şaltırata. “Nişläp sez bezneñ änine, bezneñ ğailäne mısqıl itep monı bastıra aldığız”- di. Min äytäm, monı bit ul üze bezgä şulay yazıp cibärgän. Näq şul waqıtta qaysıdır ğäzittä Mayamida 68 yäşlek äbi bala tapqan dip yazdılar. Şunnan soñ şiklänep tä quydım. Kem belgän bit!

Rimzil Wäli

XS
SM
MD
LG