Accessibility links

дүшәмбе, 5 декабрь 2016, Казан вакыты 07:37

Başlanğıç sıynıf uqıtuçısı bulasıñ kilsä, aqçañnı tülä!


Bu xaqta Tabul şähäre kölliäteneñ tatar tele häm ädäbiätı uqıtuçısı Nazaliä Ğazieva äytte. Ölkä xökemläteneñ fän häm mäğärif departamentı änä şundıy qarar çığarğan. Tabul şähäre kölliäten bıyıl beterüçelär arasında tatar tele belgeçlege alğannar da bar.

-Bıyılğı yıl 8 tatar tele häm ädäbiäte belgeçe çığarıldı.

-Alar eş urınnarı taptılarmı son?

-Awıl mäktäplärennän, şähär mäktäplärennän çaqırular bulmadı. Küp kenä uquçılarım kerergä teli pedagogiä institutınıñ (Tabul) rus-tatar bülegenä. Ber qızım Qazanda pedinstitutta (universitet) uquın däwam itergä teli. Tatar tele häm ädäbiäte belgeçlege buyınça.

-Närsä säbäp?

-Min berençedän ata-ananıñ üz ğöref-ğadätlären, traditsiälären saqlawğa köç quymawlarınnan küräm. Balalar mäktäptä rus programmaları belän rus predmetların öyränep, zamandaşları da rus tele belän söyläşkäç, şuşı telne saylarğa tırışalar. Tatar telenä şunıñ öçen iğtibar yuq dip uylıym.

-Häm inde çınnan da, awıllarda bügenge köndä tatar tele uqıtuçısı kiräkmi bulıp çığamı?

-Bıyıl ölkä departamentında şulay dip äyttelär. Kölliät qarşında tatar tele-ädäbiätı uqıtuçısı häm başlanğıç klass uqıtuçısı qabul itü komissiäsendä inde iğlan itelde. Läkin ul tüläwle genä bulaçaq bıyılğı yılda. Çönki ölkä departamentına zayavkalar birelmägän. Andıy belgeçlär bıyılğı yılğa kiräkmi dip sanalalar.

-Ä tüläp uqu qıybat bulaçaqmı?

-Bügenge köngä tögäl bilgele tügel sanı. Şulay da 12-14 meñnär tiräsendä ber yılğa.

Nazaliä Ğaziewa äytüençä, uqu öçen aqça tüläsäñ dä tulay toraqta yäşäw mömkinlege bulaçaq häm stipendiä dä bireläçäk.

Uzğan ğasırnıñ 40 nçı yıllarınnan alıp 60 nçı yıllarğa qädär Tabuldağı tatar pedagogiä uçilişçesı berniçä meñläp başlanğıç sıynıf uqıtuçısı äzerläp çığardı. Annan soñ torğınlıq çorlarında bu uqu yortı yabıldı. Yañarış çorı-1990 nçı yıldan başlap millät pärvärlärneñ tırışlığı belän köllät qarşında tatar mäktäpläre öçen başlanğıç sıynıf uqıtuçıları äzerlänä başladı. 60 lap belgeç çığarıldı. Ämma, işetkänegezçä, alğa taba monda belem alu tüläwle bulaçaq. Äti-änilär tülise bulğaç, ul-qızlarına tülämi torğan başqa belgeçlek saylamaslar dip kem äytä ala...

“Sezgä başlanğıç sıynıf uqıtuçıları kiräkmime?”,- dip Tömän rayonınıñ mäğärif idäräsenä çıltırattım. Vakansiälär belän eşläwçe belgeç cäyge yalında ikän. Sekretar' Natal'ya Vorob'yeva: “Älegä üzebez dä kemnär kiräk ikänen belmibez. Çönki mäktäplär 30 nçı iyüngä genä vakansiäläre turında üteneçlären birep beterergä tieşlär”,- dide.

Nail Alan. Tömän.

XS
SM
MD
LG