Accessibility links

якшәмбе, 11 декабрь 2016, Казан вакыты 14:49

Qazan Qol Şärif mäçeten açuğa äzerlänä


Yal könnäre dä yawa başlağan köçle yañğırlar yul tözü eşlären häm sıyfatın beraz qurqınıç astına quya. Ämma barıber, taş yawsa da, tözeleş xästärlekläre bara. 24 yündä, irtänge säğät 10.30da Qol Şärif mäçete tergezelgän Kreml tiräsenä küñele häm imanı çaqırğan här möselman kilergä cıyına. Säğät 11.00dä açılu tantanası bula, ä säğät 13.00 berençe Comğa namazı uqılaçaq. 23 yündä BTK BK häm Tatarstannıñ Diniä näzaräte “Tatar cämğiätendä islamnıñ torğızu: problemalar häm perspektivalar” digän temağa Bötenrusiä fänni-gämäli konferensiä ütkärä. Bu çaralarğa törle töbäklärdän möselman ähelläre, mäçet, mädräsä wäkilläre, şulay uq İslam konferensiäse illäre berläşmäseneñ general direktorı İxsan oğlu da kiläçäk.

* * *

Düşämbe könne Qazan vokzalında yanğın çığu waqıtında niçek itep eşne oyıştıru turında künegülär ütkärelde. Çın yanğın bulmasa da, çabışuları çın waqıttağı kebek buldı. Vokzalnıñ borınğı binası yanındağı perron häm trotuarlar sütelgän häm qomlı çoqırlarğa äylängän. Monısı künegü öçen tügel, ä tözü öçen bulsa da, passajirlar da yarıysı ğına trenirovka yasıylar.

* * *

Bu arada Qazan tiräsendäge yullarda maşina qazaları, bärelülär, cäräxätlänü, ülem-töşemnär yışraq bula başladı. Tormışnıñ kierenke tempta baruı häm şähärneñ uramnarında bertuqtawsız tözeleş, remont eşläre maşina yörtüçelärneñ başnı äyländerä.

Rimzil Wäli

XS
SM
MD
LG