Accessibility links

шимбә, 10 декабрь 2016, Казан вакыты 00:27

Feliks Kulov Qırğızstandağı prezident saylaw kampaniäsendä qatnaşu öçen xökümät eşennän çitläşep tora


Bügen Qırğızstan premyer ministrınıñ berençe urınbasarı wazıyfaların başqaruçı Feliks Kulov 10-nçı iyülgä bilgelängän prezident saylawları tämamlanğançığa qädär wazıyfalarınnan çitläşep toruın belderde. AUDİO: Qanunda üz wazıyfaların başqaruçı däwlät xezmätkäre saylaw aldı köräşen alıp bara almıy dielgän. Şuña kürä min wazıyfalarımnan çigenep toram. Bakiev ta şulay itäçägen belderde. Bez anıñ belän bu turıda söyläştek häm xalıqqa üz maqsatlarıbıznı açıq itep kürsätü, tönyaq belän könyaq arasındağı berdämlekne kürsätü öçen şundıy qarar qabul ittek. Monı ul Qırğızstan başqalasında matbuğat oçraşuında äytte. Kulov prezident wazıyfaların başqaruçı Kurmanbek Bakievqa prezident saylaw köräşe barışında yardäm itü öçen wazıyfalarımnan çitläşep toram dide. Kulov belän Bakiev ägär Bakiev prezident bulıp saylansa Kulov premyer ministr bulaçaq dip kileşte. Şuşı kileşü belän Kulov prezident känäfie öçen köräştän baş tarttı. Uzğan atna axırında Bakiev ta prezident saylawları tämamlanğançığa qädär premyer ministr wazıyfalarınnan çitläşep toruın iğlan itkän ide.

XS
SM
MD
LG