Accessibility links

Кайнар хәбәр

Condoleezza Rice Mısırnı irekle häm ğädel saylawlar ütkärergä çaqıra


Bügen AQŞ däwlät sekretare Condoleezza Rice Quşma Ştatlarnıñ yaqın könçığıştağı töp berektäşe bulğan Mısır xökümäten qatı tänqitläp Qahiräne il xalqına ışanırğa çaqırdı. Qahirädäge Amerikan Universitetında çığış yasap Rice Mısırdağı ğädättän tış xäl qanunın, nigezsez xökemnärne häm saylawlarğa bäyle köç qullanularnı tänqitläde. Rice irekle saylawdan qurqu monnan arı azatlıqnıñ kire qağıluın aqlıy almıy dide. Rice şulay uq yaqınlaşıp kilüçe saylawlar ğädellek yağınnan obyektiv standardlarğa yaraqlı bulırğa tieş dide. AUDİO: Mısırdağı saylawlar, şul isäptän parlament saylawları härber irekle saylawlarğa xas obyektiv standardlarğa turı kilergä tieş. Oppozitsion törkemnär cıyılu, anda qatnaşu häm matbuğatqa üz fikerlären äytü iregenä iä bulırğa tieş. Tawış birülärgä köç qullanular belän qomaçawlawlar bulmasqa tieş. Saylawlarnı qara baruçı xalıqara küzätüçelärgä üz eşlären başqaruda çikläwlär bulmasqa tieş. Älege çığışqa qädär bügen ul Şärm–äş-Şäyx şähärendä Mısır prezidentı Xösni Möbäräk belän söyläşte. Möbäräk berdän artıq namzät qatnaşaçaq yaña turıdan-turı saylawlar sisteması nigezendä 5-nçe märtäbä tağın 6 yıllıq möddätkä prezident bulıp saylanırğa tırışaçaq dip kötelä.
XS
SM
MD
LG