Accessibility links

сишәмбе, 6 декабрь 2016, Казан вакыты 05:59

Ğiraqnıñ Arbil şähärendä intixarçı 20 keşene üterde


Ğiraq xakimiätläre äytüençä, bügen ber intixarçı bomba şartlatıp Kördlär yäşägän Arbil şähärendä irtänge cıyılu-barlaw waqıtında politsiägä eşkä urnaşuçı 20-läp keşene ütergän häm tağın küp kenä keşene yaralağan. Monnan tış AQŞ xärbiläre häm Ğiraq politsiäse äytüençä, Bağdadtağı politsiä stansiäsendä iminlek köçläreneñ 5 xezmätkäre üterelgän häm 20-dän artığı yaralanğan. Bağdadnıñ könyaq öleşendäge Baya stansiäsendä ğisyançılar belän iminlek köçläre arasındağı atışlar waqıtında kimendä ber maşinağaq quyılğan bomba şartlatılğan dielä. Yäşkämbe könne Ğiraqta ğisyançılar höcümnäre näticäsendä 30dan artık keşe hälak buldı, şul isäptän 23 keşene Bağdadtağı ber restoranda intixarçı bomba şartlatıp üterde dielä.

XS
SM
MD
LG