Accessibility links

шимбә, 3 декабрь 2016, Казан вакыты 14:49

Kamil İsxaqov Qazannıñ 1000 yıllığına çaqıra


Qazan şähär xakimiäte başlığı, bar teläüçelärne başqalınıñ 1000 yıllığın bäyräm itärgä çaqıra. Anıñ belän äñgämä 21nçe yun könne, İntertat.ru internet gäzitendä basılıp çıqtı. Anda Kamil İsxaqov, bäyräm çaralarınıñ 23nçe avgustta başlanıp kitäçäk, dip äytä. Şähär başlığı süzlärençä, 29-30nçe avgusttağı bäyräm, barı Qazan xalqı häm alarnıñ qunaqları öçen ütkäreläçäk. BDB illäre häm Rusiä töbäkläre citäkçeläre 26-27 avgustta bulıp kitä, 28 – Tatar Kongressı çaqıruı belän böten dönya tatarları Qazanda bäyräm itä. Qalğan 2 köndä, ğadi qazanlılar da qäderleräk qunaq bulmıy. Kamil İsxaqov şulay uq, ul könnärdä, metronı eşlätep cibärü, yaña küperne, yaña Boz sarayı, Opera teatrı binası, Qazan ratuşası kebek binalarnıñ açılışı bula, dip xäbär itä älege äñgämädä. Şul uq waqıtta, Qazan şähär arxitektura idäräse başlığı, jurnalistlar belän oçraşıp, barlıq yañartu häm tözeleş eşläreneñ bäyrämgä qädär tämamlanmawın rasladı. Şähär üzägendäge binalarnıñ tışqı qiäfäte dä rätkä kiterü totqarlana, Qazan xalqı da, yäşelländerü xezmätlärenä çäçäk utırtırğa yärdäm itärgä telämi, dip zarlandı Qazannıñ baş arxitektorı Ernest Mäwlütov. Şul uq waqıtta ul, cimerek yortlar häm tämamlanmağan tözeleşlär, tuqıma belän qaplanaçaq, dide. Yäşel tuqımağa, Qazannıñ 1000 yıllığı turında räsemnär töşereläçäk häm şuşı surätlär artında, başqalanıñ kilbätsez urınnarı yäşereläçäk

XS
SM
MD
LG