Accessibility links

Кайнар хәбәр

Livanda Süriägä qarşı çığuçı kürenekle şäxes George Hawi üterelde


Livan politsiäse äytüençä, bügen bomba şartlaw näticäsendä elekke kommunistlar partiäse başlığı, Süriäneñ Livandağı köçlären tänqitlägän George Hawi hälak bulğan. Hawinıñ üterelüe Livanda Süriägä qarşı çığuçı yuğarı däräcä şäxeslärne üterüneñ inde ikençe oçrağı. Yustitsiä ministrı Xälät Kabbani tikşerü eşläre bara dide. AUDİO: Bez Livannı cinayätlär urınına äyländergän bu cinayätlär çılbırın beterü öçen başlağan tikşerüebezgä barlıq tırışlıqlarıbıznı salabız.

14-nçe fevral'dä Livanda Süriägä qarşı çığuçı elekke premyer ministr Räfiq Xäriri üterelgän ide. BMO wäkile Xäriri üleme turında Livannıñ prezident saqçıları brigadası başlığınnan soraw alu başlandı dide. Oppozitsiä iminlek xezmätläreneñ berniçä citäkçesen, şul isäptän brigada generalı Mostafa Hamdannı Xäririne üterügä qatnaşı buluda, yäki kimendä üterüçelärne yäşerergä bulışuda ğäyepli. İke kön elek kenä Livanda ütkän parlament saylawlarında küpçelekne süriägä qarşı çığuçı oppozitsiä yawladı.
XS
SM
MD
LG